प्रधानमन्त्री प्रचण्ड स्वदेश फिर्ता

राजनीति

गृहपृष्ठ
राजनीति
प्रधानमन्त्री प्रचण्ड स्वदेश फिर्ता

प्रधानमन्त्री प्रचण्ड स्वदेश फिर्ता

शनिबार, जेठ २०, २०८० बागेश्वरी पोस्ट

नेपालगन्ज । प्रधानमन्त्री पुष्पकमल दाहाल प्रचण्ड भारतको चार दिने भ्रमण सकेर आज साँझ स्वदेश फर्किएका छन् । प्रधानमन्त्री प्रचण्डसँगै सबै प्रतिनिधिमण्डल नेपाल वायु सेवा निगमको जहाजबाट काठमाडौं आएका हुन् ।

गत बुधबार भारत भ्रमणमा गएका प्रधानमन्त्री प्रचण्डले भ्रमणका क्रममा ऊर्जा ब्यापार सम्झौतालगायत विभिन्न सम्झौता तथा समझदारी भएको थियो । भारतीय प्रधानमन्त्री नरेन्द्र मोदीसँग उनले प्रतिनिधिमण्डलस्तर र वान अन वान पनि भेटवार्ता गरेका थिए ।

त्यस्तै उनले भारतको इन्दोरमा फोहोर व्यवस्थापन प्रणालीको पनि अवलोकन गरेका थिए । प्रधानमन्त्रीले भारत भ्रमणको क्रममा नेपाली समुदायसँग भेट गर्नुका साथै भारतका निजी क्षेत्रका प्रतिनिधिसँग पनि भेटवार्ता गरेका थिए ।

प्रधानमन्त्री प्रचण्डले भारतीय राष्ट्रपति द्रौपदी म‍ुर्मु, प्रधानमन्त्री मोदी, सुरक्षा निकायका अधिकारीहरू, उद्योगी व्यवसायी लगायत विभिन्न क्षेत्रका उच्च पदस्थ व्यक्तिहरूसँग भेटवार्ता गरेका थि‍ए ।

प्रकाशित मिति: शनिबार, जेठ २०, २०८० १९:०७

प्रतिक्रिया दिनुहोस्