नेपालगन्ज उच्च बारको अध्यक्षमा चित्रबहादुर शाही निर्वाचित

स्थानीय

गृहपृष्ठ
स्थानीय
नेपालगन्ज उच्च बारको अध्यक्षमा चित्रबहादुर शाही निर्वाचित

नेपालगन्ज उच्च बारको अध्यक्षमा चित्रबहादुर शाही निर्वाचित

शनिबार, जेठ २०, २०८० बागेश्वरी पोस्ट

नेपालगन्ज । नेपालगन्ज उच्च अदालत बार एसोसिएशनको अध्यक्षमा चित्रबहादुर शाही निर्वाचित भएका छन् । निकटतम् प्रतिद्वन्दी चित्रबहादुर केसीलाई ११७ मतान्तरले पराजित गर्दै शाही अध्यक्ष निर्वाचित भएका हुन् । शाहीले १४५ मत पाउँदा केसीले २८ मत मात्र पाए । अर्का प्रत्यासी भुवनकृष्ण श्रेष्ठले ४ मत पाए ।

पदाधिकारी र सदस्य सबै शाही नेतृत्वको प्यानलले जीत हासिल गरेको छ । नेपालगन्ज उच्च अदालत बार एशोसियशनका कुल २ सय १४ मतदाता मध्ये १ सय ८४ मत खसेको निर्वाचन समितिले जनाएको छ । शाहीको समूहबाट उपाध्यक्षमा तिर्थराज ज्ञवाली, सचिवमा गणेशप्रसाद शर्मा तथा सदस्यहरुमा सतिशचन्द्र थारु, रिजवान अहमद मिर्जा, जयराम थारु, बिरेन्द्रकुमार बस्नेत, हरिशचन्द्र सिजापति, जयराम जैसी, पूर्णप्रसाद ढकाल र हिराबहादुर श्रेष्ठ निर्वाचित भएका हुन् । उक्त समूहबाट कोषाध्यक्षमा हरि सुवेदी र सदस्य (महिला) मा शान्ता पोखरेल भने यसअघि नै निर्विरोध निर्वाचित भइसकेका थिए ।

निर्वाचनमा शाही नेतृत्वको 'बृहत लोकतान्त्रिक, प्रगतिशिल, समावेशी, पेशागत कानून ब्यवसायी समुह’ र केसी नेतृत्वको ‘स्वतन्त्र, समावेशी, प्रगतिशिल, अग्रगमणकारी देशभक्त लोकतान्त्रिक कानून ब्यवसायी’ समूह प्रतिष्पर्धामा थिए ।

प्रकाशित मिति: शनिबार, जेठ २०, २०८० २०:२३

प्रतिक्रिया दिनुहोस्