थुनछेक बहसमा बालकृष्ण खाँण र टोपबहादुर रायमाझी अदालतमा

सुरक्षा-अपराध

गृहपृष्ठ
सुरक्षा-अपराध
थुनछेक बहसमा बालकृष्ण खाँण र टोपबहादुर रायमाझी अदालतमा

थुनछेक बहसमा बालकृष्ण खाँण र टोपबहादुर रायमाझी अदालतमा

आइतबार, जेठ २१, २०८० बागेश्वरी पोस्ट

नेपालगन्ज । नक्कली भुटानी शरणार्थी प्रकरणका अभियुक्त एमाले नेता तथा पूर्व उपप्रधानमन्त्री टोपबहादुर रायमाझी र नेपाली कांग्रेसका नेता तथा पूर्व गृहमन्त्री बालकृष्ण खाँणलाई काठमाडौं जिल्ला अदालतमा उपस्थित गराइएको छ ।

प्रकरणमा मुछिएका रायमाझी र खाँण सहित १८ आरोपीहरूलाई आइतबार बिहान थुनछेक बहसका लागि अदालतमा उपस्थित गराइएको हो ।

खाँणको पक्षमा बहस गर्न पूर्व महान्यायाधिवक्ता खम्मबहादुर खाती र महादेव यादव तथा बारका वर्तमान अध्यक्ष गोपालकृष्ण घिमिरे, पूर्व अध्यक्षद्वय शेरबहादुर केसी र प्रेमबहादुर खड्का लगायतका वरिष्ठ अधिवक्ताले नाम टिपाएका छन् ।

हालसम्म पक्राउ परेका सबै १८ जनाको बयान सम्पन्न भएपछि आजदेखि थुनछेक बहस शुरु हुन लागेको हो । सो थुनछेक बहसपछि आरोपीहरूलाई पुर्पक्षमा पठाउने–नपठाउने भन्ने बारेमा क्रमशः निर्णय लिइनेछ ।

प्रकाशित मिति: आइतबार, जेठ २१, २०८० ११:५५