बाँकेमा बाढी विपदको कृत्रिम घटना अभ्यास

स्थानीय

गृहपृष्ठ
स्थानीय
बाँकेमा बाढी विपदको कृत्रिम घटना अभ्यास

बाँकेमा बाढी विपदको कृत्रिम घटना अभ्यास

आइतबार, जेठ २१, २०८० बागेश्वरी पोस्ट

नेपालगन्ज । बाँकेमा जिल्ला विपद व्यवस्थापन समितिको आयोजनामा आज बाढीसम्बिन्ध कृत्रिम घटना अभ्यास गरिएको छ ।

नेपाली सेना, सशस्त्र प्रहरी बल, नेपाल प्रहरी र नेपाल रेडक्रस सोसाइटी लगायत निकायको सहभागितामा कार्यक्रम भएको हो । बाढी विपदबाट हुने सक्ने सम्भावित जनधनको क्षती कम गर्न रहेक वर्ष बाँकेमा पूर्व तयारी स्वरुप बाढी विपद्को कृृत्रिम घटना हुँदै आएको छ ।

बाँकेका प्रमुख जिल्ला अधिकारी विपिन आचार्यले कृत्रिम घटना अभ्यासले उद्धारकर्मीहरुको क्षमता बृद्धि हुने र जोखिम न्यूनीकरणमा सहयोग पुग्ने बताए । उक्त अभ्यासमा नेपाली सेनाको मेडिकल टिम र नेपाल रेडक्रस सोसाइटी बाँकेका प्राथमिक उपचारकहरुले घाइतेहरुलाई प्राथमिक उपचार सेवा प्रदान गरी अस्पताल पुर्याएका थिए ।

अधिकांश व्यक्तिहरुले अभ्यासबाट दक्ष जनशक्तिको सीप प्रदर्शन र उपलब्ध उद्धार सामग्री चुस्तदुरुत रहने कुरा उल्लेख गर्दै स्थानीय तहहरुले पालिका स्तरमा पनि कृत्रिम घटना अभ्यास गर्नुपर्ने आवश्यकता महसुश गरिएको थियो ।

जिल्ला विपद व्यवस्थापन समितिका अध्यक्ष एवं प्रमुख जिल्ला अधिकारी आचार्यको अध्यक्षतामा सम्पन्न कार्यक्रममा बज्र दल गण प्रमुख श्याम आत्रय पौडेल, डुडवा गाउँपालिकाका उपाध्यक्ष सहिदा बानो लगायतले विचार व्यक्त गरेका थिए ।

कार्यक्रममा सुरक्षा निकाय, बाँके रेडक्रस, पत्रकार, बी-ग्रुप, एस.डि.एफ. कारितास, युवा रेडक्रस सर्कल शहिद स्मारक मावि कम्दी र स्थानीयबासी लगायतको सहभागिता रहेको थियो ।

प्रकाशित मिति: आइतबार, जेठ २१, २०८० १५:०६

प्रतिक्रिया दिनुहोस्