कोहलपुरको डुडुवा तटबन्ध र सिकलसेलका लागि १ करोड २० लाख बजेट

स्थानीय

गृहपृष्ठ
स्थानीय
कोहलपुरको डुडुवा तटबन्ध र सिकलसेलका लागि १ करोड २० लाख बजेट

कोहलपुरको डुडुवा तटबन्ध र सिकलसेलका लागि १ करोड २० लाख बजेट

मंगलबार, जेठ २३, २०८० बागेश्वरी पोस्ट

नेपालगन्ज । आगामी आर्थिक वर्ष २०८०/०८१ का लागि संघीय सरकारले कोहलपुरमा दुई वटा योजनामा बजेट विनियोजन गरेको छ ।

कोहलपुर नगरपालिकाले माग गरेका मध्ये समपूरक र विषेशतर्फ दुई वटा योजनामा संघीय सरकारले १ करोड २० लाख बजेट विनियोजन गरेको हो । कोहलपुर नगर कार्यपालिकाको मंसिर २७ गते बसेको बैठकले समपुरक र विशेष योजनाका लागि ११ वटा योजना माग गरी पठाएको थियो । त्यसमा समपूरक योजनाका लागि ५ वटा र विशेषका लागि ६ वटा योजना माग गरी पठाइएकोमा दुबैतर्फ एक-एक वटा योजना परेको हो ।

समपूरकतर्फ डुडुवा, रोहिणी खोला तटबन्धका लागि ५० लाख बजेट बिनियोजन भएको छ । यो योजनामा नगरपालिकाले ५० लाख थप्नेछ । यो योजना एक करोडको हुनेछ ।

समपूरकका लागि नगर कार्यपालिकाले प्राथमिकीकरण गरी १ नम्बरमा कोहलपुर रिङरोड निर्माण तथा स्तरोन्नतिका लागि ४ करोड, २ नम्बरमा डुडुवा रोहिणी खोला तटबन्धका लागि साढे एक करोड, ३ नम्बरमा सृजना दुग्ध डेरीदेखि बागेश्वरी क्याम्पससम्म ३३० मिटर पिच बाटोका लागि ५० लाख, ४ नम्बरमा गोहवा गाउँदेखि चौधरीया जोड्ने सडकका लागि १ करोड र ५ नम्बरमा वडा नम्बर ११ र ६ को सिमानादेखि बालबिधासम्म पक्की नालाका लागि साढे एक करोड बजेट योजना माग गरि पठाएको थियो ।

त्यसमा संघीय सरकारले डुडुवा, रोहिणी खोला तटबन्धका लागि ५० लाख बजेट बिनियोजन गरेको हो । डुडुवा खोलामा तटबन्ध नहुँदा कोहलपुर नगरपालिका वडा नम्बर १२ र १३ का आधा दर्जन बस्ती डुवान र कटानको उच्च जोखिममा छन् । वडा नम्बर १२ को प्रगति नगर, जानकी टोल, ज्ञानज्योति स्कुल टोल, भाग्रा र वडा नम्बर १३ को सिम्री डुडुवा खोलाको उच्च जोखिममा छन् ।

तटबन्ध निर्माणपछि यी बस्तीमा डुवान र कटान समस्या केही हदसम्म हल हुने स्थानीयको बिश्वास छ । यस्तै संघीय सरकारसंग विशेष योजनातर्फ माग गरिएका ६ वटा योजनामध्ये सिकलसेल एनिमिया ल्याव संचालन तथा व्यबस्थापनका लागि ७० लाख बजेट विनियोजन भएको छ । कार्यपालिका बैठकले छैठौं प्राथमिकतामा राखेर सिकलसेल ल्याव संचालन तथा व्यवस्थापनका लागि साढे एक करोड बजेट माग गरी पठाएको थियो ।

त्यसमा संघीय सरकारले ७० लाख बजेट विनियोजन गरेको छ । नगरपालिकाले विशेष योजनातर्फ वडा नम्बर ४ स्थित हिमालय मदरसा गरिव नवाज प्राथमिक विद्यालयको पर्खाल निर्माणका लागि ४ करोड, वडा नम्बर १४ स्थित राम माविको भवन निर्माणका लागि साढे एक करोड, वडा नम्बर ३ स्थित आधारभूत स्वास्थ्य केन्द्र स्तरोन्नतिका लागि ५० लाख, वडा नम्बर २ स्थित दलित सांस्कृतिक संग्रहालय निर्माणका लागि ५० लाख र निकुञ्ज क्षेत्रमा मेसजाली तारबारका लागि ५० लाख बजेट योजना माग गरी पठाएको थियो ।

प्रकाशित मिति: मंगलबार, जेठ २३, २०८० ११:५३

प्रतिक्रिया दिनुहोस्