मान्मा जाँदै गरेको जीप सडकबाट ३ सय मिटर तल खस्यो, २ जनाको मृत्यु

समाचार

बिहीबार, जेठ २५, २०८० बागेश्वरी पोस्ट

नेपालगन्ज । कालीकोट सदरमुकाम मन्मा जाँदै गरेको जीप दुर्घटना हुँदा २ जनाको मृत्यु भएको छ । दुर्घटनामा एक जना गम्भीर घाइते भएका छन् ।

कालिकोटको रास्कोट नगरपालिकाबाट सरमुकाम मान्मा जाँदै गरेको ग३च ४६१० नम्बरको जीप रास्कोटकै सेरा बसपार्क नजिकै दुर्घटना भएको कालिकोट प्रहरीले जनाएको छ ।

दुर्घटनामा मृत्यु हुनेमा ४३ वर्षीय मनबहादुर शाही र ३६ वर्षीया मनकुमारी शाहीको रहेका छन् ।

जीप मोड्ने क्रममा दुर्घटना भएको भन्ने जानकरी आएपनि थप अनुसन्धान भइरहेको प्रहरीले बताएको छ । जीप सडकबाट करिब ३०० मिटर तल खसेको छ ।

प्रकाशित मिति: बिहीबार, जेठ २५, २०८० ०९:५४

प्रतिक्रिया दिनुहोस्