कोशी प्रदेश आन्दोलनमा अराजक गतिविधिलाई सरकारले छुट दिन्न: गृहमन्त्री

राजनीति

गृहपृष्ठ
राजनीति
कोशी प्रदेश आन्दोलनमा अराजक गतिविधिलाई सरकारले छुट दिन्न: गृहमन्त्री

कोशी प्रदेश आन्दोलनमा अराजक गतिविधिलाई सरकारले छुट दिन्न: गृहमन्त्री

शुक्रबार, जेठ २६, २०८० बागेश्वरी पोस्ट

नेपालगन्ज । कोशी प्रदेशमा गैर शान्तिपूर्ण र अराजक गतिविधि भए राज्यले छुट नदिने उपप्रधान एवं गृहमन्त्री नारायणकाजी श्रेष्ठले बताएका छन्।

प्रमुख प्रतिपक्षी दल नेकपा एमालेले आज प्रतिनिधि सभामा आफ्ना नेताहरूमाथि कोशीमा आक्रमण भइरहेकोमा विरोध गर्दै गृहमन्त्रीसँग जवाफ मागेको थियो।

एमाले सांसद योगेश भट्टराईले सरकारले एमाले नेताहरूमाथि सुरक्षा नदिए एमालेले नै सुरक्षाको व्यवस्था मिलाउने चेतावनी दिएका थिए।

जवाफमा गृहमन्त्री श्रेष्ठले अराजक गतिविधिलाई कुनै हालतमा सरकारले छुट नदिने बताए । उनले भने, ‘संविधान र कानुनलाई हातमा लिने, अराजक गतिविधि गर्ने, सार्वजनिक सम्पत्ति वा संस्थाहरुको सुरक्षमा चुनौती उत्पन्न गर्ने वा व्यक्ति नेताहरुको सुरक्षामा थ्रेट उत्पन्न गर्ने कुनै पनि गतिविधिलाई सरकार छुट दिन सक्दैन ।’

आफ्ना गतिविधिका कारण आन्दोलनका नाममा अराजक र उद्दण्ड कामलाई प्रोत्साहन नहोस् भन्नेमा सबै सचेत हुनुपर्नेमा समेत गृहमन्त्री श्रेष्ठले जोड दिए ।

प्रकाशित मिति: शुक्रबार, जेठ २६, २०८० १२:५०