'लु' बाट बच्ने उपायबारे विद्यार्थीलाई सिकाउन शिक्षकलाई अभिमुखीकरण

स्थानीय

गृहपृष्ठ
स्थानीय
'लु' बाट बच्ने उपायबारे विद्यार्थीलाई सिकाउन शिक्षकलाई अभिमुखीकरण

'लु' बाट बच्ने उपायबारे विद्यार्थीलाई सिकाउन शिक्षकलाई अभिमुखीकरण

शुक्रबार, जेठ २६, २०८० बागेश्वरी पोस्ट

नेपालगञ्ज । नेपालगञ्जमा एक साता यता तापक्रममा अत्याधिक बृद्धि भई 'लु' चल्न थालेपछि सचेतना बढाउन अभिमुखीकरण गर्न थालिएको छ । नेपालगञ्ज उपमहानगरपालिकाको समन्वयमा अमेरिकन रेडक्रस र क्लाइमेट सेन्टरको प्राविधिक सहयोगमा नेपाल रेडक्रस सोसाइटी बाँके शाखाले विद्यालयस्तरमा 'लु' सम्बन्धि सचेतना बढाउन शिक्षकहरुलाई अभिमुखीकरण गरेको छ ।

नेपालगञ्ज उपमहानगरपालिका कार्यालयको सभाहलमा आज आयोजित अभिमुखीकरण कार्यक्रममा २० वटा विद्यालयका शिक्षकहरुको सहभागितामा थियो । आ-आफ्ना विद्यालयमा विद्याथीहरुलाई राखेर 'लु' सम्बन्धि सचेतना सञ्चार गर्न प्रेरित गर्ने उद्देश्यले शिक्षकहरुलाई बोलाएर अभिमुखीकरण गरिएको आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवालीले बताए । अब विद्यालयका सबै विद्यार्थीहरुलाई ती शिक्षकहरुले 'लू' बाट बच्ने उपायका बारेमा सिकाउनेछन् ।

रेडक्रसका उपनिर्देशक दोलख डाँगीले प्रस्तुतिकरण गरेको कार्यक्रममा नेपालगञ्ज उपमहानगरपालिकाका उपप्रमुख कमरुद्दिन राई, प्रमुख प्रशासकीय अधिकृत शिवप्रसाद रिजाल, शिक्षा महाशाखा प्रमुख गोर्खबहादुर थापा लगायतले बोल्दै 'लु' बारे सचेतना जगाउँदै विद्यार्थीहरुलाई यसबाट जोगिने उपायबारे सिकाउनुपर्नेमा जोड दिए । कार्यक्रमको अध्यक्षता रेडक्रसका सभापति गोबद्र्धनसिंह सम्झनाले गरेका थिए ।

प्रकाशित मिति: शुक्रबार, जेठ २६, २०८० २१:०६

प्रतिक्रिया दिनुहोस्