जीप दुर्घटनामा तीन जनाको मृत्यु

समाचार

गृहपृष्ठ
समाचार
जीप दुर्घटनामा तीन जनाको मृत्यु

जीप दुर्घटनामा तीन जनाको मृत्यु

आइतबार, जेठ २८, २०८० बागेश्वरी पोस्ट

नेपालगन्ज । कालिकोटमा जीप दुर्घटना हुँदा तीन जनाको मृत्यु भएको छ । गएराति कालीकोटको शुभकालिका गाउँपालिका ६ गविरामा लु१च ८४९८ नम्बरको जिप दुर्घटना हुँदा तीन जनाको मृत्यु भएको छ ।

कालीकोटको बेउली पान्तडी सडकखण्डको चौकी बजारबाट हाउडी हुँदै शुभकालिकातर्फ जाँदै गर्दा शुभकालिका ६ गविराममा जीप दुर्घटना भएको जिल्ला प्रहरी कार्यालय कालीकोटले जनाएको छ ।

दुर्घटनामा परेर जिप चालक शुभकालिका २ का ३० वर्षीय हर्क विश्वकर्मा, शुभकालिका ८ का ३१ वर्षीय रामबहादुर शाही र दैलेख नौमुले ३ का २५ वर्षीय गोपाल सलामीमगरको मृत्यु भएको जिल्ला प्रहरी कार्यालय कालीकोटका प्रहरी प्रमुख जयश्वर रिमालले जानकारी दिएका छन् ।

दुर्घटनाको कारण खुल्न नसकेको र घटनाबारे अनुसन्धान भइरहेको उनले बताए । “घटना मध्यराति भएकाले दुर्घटनाको कारण खुल्न सकेको छैन”, प्रहरी प्रमुख रिमालले भने- “जीपमा सवार तीनै जनाको मृत्यु भएको, देख्ने र घाइते अन्य नभएकाले पनि दुर्घटनाका कारण खुल्न सकेन ।”

प्रकाशित मिति: आइतबार, जेठ २८, २०८० ११:१२