काठमाडौंमा लागूऔषध ओसारपसार गिरोहलाई समात्न प्रहरीले चलायो गोली

सुरक्षा-अपराध

गृहपृष्ठ
सुरक्षा-अपराध
काठमाडौंमा लागूऔषध ओसारपसार गिरोहलाई समात्न प्रहरीले चलायो गोली

काठमाडौंमा लागूऔषध ओसारपसार गिरोहलाई समात्न प्रहरीले चलायो गोली

आइतबार, जेठ २८, २०८० बागेश्वरी पोस्ट

नेपालगन्ज । काठमाडौंमा लागूऔषध ओसारपसारमा संलग्न गिरोहमाथि प्रहरीले गोली चलाएको छ ।

आज बिहान पौने १२ बजे लागूऔषध नियन्त्रण ब्यूरोको टोलीले लागूऔषध ओसारपसारमा संलग्नको आशंकामा पक्राउ गर्ने क्रममा विकास भगतमाथि गोली चलाएको हो ।

प्रहरीले ठूलो मात्रामा लागूऔषध ओसारपसार भइरहेको आशंकामा ब्यूरोबाट प्रहरी निरीक्षकको टोलीले भगतलाई पछ्याएको थियो । भगत सिनामंगलस्थित एक घरभित्र प्रवेश गरेपछि प्रहरी पनि पुगेको थियो । ब्यूरोका प्रमुख थपलियाका अनुसार भगतले प्रहरी टोलीमाथि आक्रमण गरेपछि गोली चलाइएको हो ।

भगतबाट प्रहरीले १०० ग्राम लागूऔषध नियन्त्रणमा लिएको छ । प्रहरीको गोली लागेर घाइते भएका भगतलाई उपचारका लागि काठमाडौं मेडिकल कलेज पठाएको लागूऔषध नियन्त्रण ब्यूरोका प्रवक्ता प्रहरी उपरीक्षक चक्रराज जोशीले जानकारी दिएका छन् ।

घटनाबारे थप अनुसन्धान भइरहेको जोशीले बताए ।

प्रकाशित मिति: आइतबार, जेठ २८, २०८० १३:५२

प्रतिक्रिया दिनुहोस्