म सलाम गर्छु बालेनलाई हामीलाई वडाध्यक्षको स्तरमा पुर्‍याएकोमा: सांसद दीपक गिरी

राजनीति

गृहपृष्ठ
राजनीति
म सलाम गर्छु बालेनलाई हामीलाई वडाध्यक्षको स्तरमा पुर्‍याएकोमा: सांसद दीपक गिरी

म सलाम गर्छु बालेनलाई हामीलाई वडाध्यक्षको स्तरमा पुर्‍याएकोमा: सांसद दीपक गिरी

आइतबार, जेठ २८, २०८० बागेश्वरी पोस्ट

नेपालगन्ज । पूर्व मन्त्री एबं नेपाली कांग्रेसका सांसद दीपक गिरीले आफूलाई झोले सांसद भन्दै मेयर बालेन शाहले सांसदहरूलाई वडाध्यक्षको स्तरसम्म पुर्‍याएकोमा सलाम गरेका छन् ।

सांसद गिरीले भने,' म आफूलाई झोले सांसद भन्न चाहन्छु । एक बुढी आमैको फोन आउँछ राति दुःख सुनाउँछिन् , अर्को फोन आउँछ मेरी बुहारी हराएको २७ दिन भएको छ भन्छन् ।' गिरीले थपे, 'म सलाम गर्छु बालेनजीलाई हामी झोलेलाई वडाध्यक्षको स्तरमा पुर्‍याइदिनुभयो । हाम्रो काम गराइ नै यस्तै छ ।'

सांसद गिरीले नागरिकले सांसदको विधायिकी भूमिका नबुझ्ने र अहिले पनि विकास, निर्माणको प्रतिनिधि नै स्वीकारेको बताएका छन्।

सांसद विकास कोषको बचाउ गर्दै उनले अहिले कमसेकम ५ करोड भने पनि एउटा निर्वाचन क्षेत्रमा पुगेको गिरीले बताए ।

‘कम गाह्रो छ, राति फोन आउँछ । अन्यथा नमान्नुहोला, जलपान खाएको फोन आउँछ, अब त चिन्न छाड्नुभयो होला ? चिन्नुहुन्न होला ? नेपाली स्तर यस्तो छ, आफू पनि जलपान गरेको भए त झगडा पर्न सक्छ । हा.... भन्नुस् । अवस्था यस्तो छ नेपालको ? अहिले २५औं फोन आएको छ, आफूले त हेरेको पनि छैन, त्यो रातो किताब हो कि के हो ? पहिले पहिले त आउँथ्यो, हैन सांसदज्यू देश खत्तम छ कि के हो? विकास खै ? कता के जवाफ दिने ? सांसदज्यूहरूको बह हो यो ?,’ उनले भने ।

साथै सांसद गिरीले रातो पासपोर्टको लागि आफूले कहिले पनि मरिहत्ते नगरेको बताए । आफू जहाँ गएपनि आम नागरिकले बोक्ने हरियो पासपोर्टमै गएको सांसद गिरीले भने ।

प्रकाशित मिति: आइतबार, जेठ २८, २०८० १५:३७

प्रतिक्रिया दिनुहोस्