कारबाहीको माग गर्दै प्रचण्ड र बाबुरामविरुद्ध सर्वोच्चमा रिट दर्ता

राजनीति

गृहपृष्ठ
राजनीति
कारबाहीको माग गर्दै प्रचण्ड र बाबुरामविरुद्ध सर्वोच्चमा रिट दर्ता

कारबाहीको माग गर्दै प्रचण्ड र बाबुरामविरुद्ध सर्वोच्चमा रिट दर्ता

आइतबार, जेठ २८, २०८० बागेश्वरी पोस्ट

नेपालगन्ज । नेकपा माओवादीका अध्यक्ष एबं प्रधानमन्त्री पुष्पकमल दाहाल प्रचण्ड र तत्कालीन माओवादी नेता तथा पूर्व प्रधानमन्त्री डा. बाबुराम भट्टराईविरुद्ध सर्वोच्च अदालतमा रिट दर्ता भएको छ ।

उनीहरुविरुद्ध युद्ध अपराधको मुद्दा चलाएर कारबाही गर्न माग गरिएको रिट निवेदन सर्वोच्च अदालतमा दर्ता भएको हो ।

पूर्व बाल लडाकु लेलिन विष्ट समेतले दिएको रिट निवेदनलाई आज सर्वोच्च अदालतले दर्ता गरेको हो । गत शुक्रबार रिट निवेदनलाई दरपिठ गर्ने आफ्नै प्रशासनको निर्णय खारेज गर्दै न्यायाधीश आनन्दमोहन भट्टराईको एकल इजलासले रिट दर्ता गर्न आदेश दिएको थियो । सोही आदेश अनुसार आइतबार रिट दर्ता गरिएको निवेदक विष्टले जानकारी दिए ।

नाबालकलाई तत्कालीन माओवादीले बालसेनाको रुपमा प्रयोग गरेर युद्धअपराध गरेको दाबी गर्दै रिट निवेदनमा प्रचण्ड र भट्टराईविरुद्ध युद्ध अपराधको मुद्दा दर्ता गरी कारबाही गर्नुपर्ने माग गरिएको छ ।

साथै प्रधानमन्त्रीबाट प्रचण्डलाई निलम्बन गरिनुपर्ने माग गरिएको छ । आइतबार दर्ता भएको उक्त रिटमाथि मंगलबार सुनुवाइको मिति तोकिएको छ ।

प्रकाशित मिति: आइतबार, जेठ २८, २०८० १६:२१

प्रतिक्रिया दिनुहोस्