नेपालगन्ज बजार अब राती ११ बजेसम्म खुल्ने

स्थानीय

गृहपृष्ठ
स्थानीय
नेपालगन्ज बजार अब राती ११ बजेसम्म खुल्ने

नेपालगन्ज बजार अब राती ११ बजेसम्म खुल्ने

मंगलबार, जेठ ३०, २०८० बागेश्वरी पोस्ट

नेपालगन्ज । नेपालगन्ज बजार अब राती ११ बजेसम्म खुल्ने भएको छ । असार १५ गतेदेखि संचालन हुने 'स्ट्रीट फुडलेन' लाई मध्यनजर गर्दै राती ११ बजेसम्म बजार खुल्ने भएको हो ।

नेपालगन्ज उद्योग बाणिज्य संघ, नेपाल एशोसिएसन अफ टुर एण्ड ट्राभल एजेन्ट्स (नाट्टा) बाँके लगायत विभिन्न सरोकारवाला संघसंस्थाको अनुरोधमा जिल्ला प्रशासन कार्यालय, नेपालगन्ज उपमहानगरपालिका र सरोकारवालाबीच आज जिल्ला प्रशासनमा भएको छलफलमा शान्ति सुरक्षा र बजार व्यवस्थापनलाई ध्यान दिँदै असार १५ गतेदेखि 'स्ट्रीट फुड लेन' र 'रात्रीकालीन बजार' राती ११ बजेसम्म खुला राख्ने सहमति भएको हो ।

No description available.

प्रमुख जिल्ला अधिकारी विपिन कुमार आचार्यले हाललाई असार १५ गतेदेखि ११ बजेसम्म बजार खुल्न दिने र त्यसपछिको अवस्था हेरेर आवश्यक निर्णय लिने बताए । नेपालगन्ज उपमहानगरपालिकाका नगर प्रमुख प्रशान्त विष्टले नगरको शान्तिसुरक्षा र अमनचयनमा असर नपर्ने गरी स्थानीय 'रैथाने' परिकारहरुको प्रबर्द्धन गर्ने उद्देश्यले संचालन हुन लागेको 'स्ट्रीट फुडलेन' लाई मध्यनजर गर्दै राती ११ बजेसम्म बजार खुल्न दिने सहमति बनेको बताए । नेपालगन्ज उपमहानगरपालिकासंगको सहकार्यमा नाट्टा बाँकेले असार १५ गतेदेखि त्रिभुवन चोक क्षेत्रमा 'स्ट्रीट फुडलेन' संचालन गर्न लागेको छ । नाट्टा बाँकेका अध्यक्ष श्रीराम सिग्देलले फुडलेनले नेपालगन्जलाई नयाँ रौनक दिने बताए । सिग्देलले स्थानीय स्वादलाई एकिकृत ढंगले ‘ब्राण्डिङ र प्रमोशन’ गरिने बताए ।

No description available.