संस्कृतिमाथिको अतिक्रमण रोक्न जरुरी छः अध्यक्ष पौडेल

स्थानीय

गृहपृष्ठ
स्थानीय
संस्कृतिमाथिको अतिक्रमण रोक्न जरुरी छः अध्यक्ष पौडेल

संस्कृतिमाथिको अतिक्रमण रोक्न जरुरी छः अध्यक्ष पौडेल

बिहीबार, असार ७, २०८० बागेश्वरी पोस्ट

राप्तीसोनारी (बाँके) । बाँकेको राप्तीसोनारी गाउँपालिकामा भाषा र संस्कृति विषयक बृहत अन्तरक्रिया कार्यक्रम सम्पन्न भएको छ । सभ्य समाज नेपाल बाँकेको आयोजना, राप्तीसोनारी गाउँपालिकाको सहयोग तथा जिम्मेवार समाज नेपाल र जय बागेश्वरी असहाय बाल संरक्षण केन्द्रको समन्वयमा भएको कार्यक्रममा बोल्दै राप्तीसोनारी गाउँपालिका अध्यक्ष तप्तबहादुर पौडेलले कला र संस्कृतिको संरक्षण गर्नु हरेक नागरिकको जिम्मेवारी भएको बताउँदै संस्कृतिमाथिको अतिक्रमण रोक्नुपर्ने र भाषा कला र संस्कृतिको जगर्ना गर्न आफू प्रतिबद्ध भएको बताए ।

कार्यक्रमा बोल्दै राप्तीसोनारी गाउँपालिका वडा नम्बर ७ का वडाध्यक्ष रामलखन थारुले कला संस्कृतिको सम्मान गर्नुपर्ने बताउँदै मौलिक संस्कृतिको संरक्षण गर्न आवश्यक रहेको बताए । उनले स्थानीय भाषा र कलाको संरक्षणले विदेशी पर्यटकलाई आकर्षण गर्न सकिने बताए । कार्यक्रममा सरोकारवालाहरुले स्थानीय भाषा र कलाको संरक्षण गर्ने विषयमा छलफल गरेका थिए । कार्यक्रममा महिला पञ्चेबाजा संरक्षण समिति राप्तीसोनारी ८ का महिलाहरुको प्रस्तुति, मुक्त कम्लहरी मञ्च बाँकेको थारु नृत्य तथा चिल्डे«न प्याराडाइजका छात्राहरुको सांगीतिक प्रस्तुति रहेको थियो । सहभागीहरुलाई प्रमाणपत्र समेत प्रदान गरिएको थियो ।

सभ्य समाजका अध्यक्ष सूर्यलाल यादवको सभापतित्वमा भएको कार्यक्रममा राप्तीसोनारी गाउँपालिका उपाध्यक्ष मनिषासिंह थारु, पूर्व उपाध्यक्ष धनीकुमारी खत्री, वडाध्यक्षहरु, कार्यपालिका सदस्यहरु, जय बागेश्वरी असहाय बाल संरक्षण केन्द्र राप्तीसोनारी ५ का अध्यक्ष तारा वली, पूर्व कम्लहरीहरु, स्थानीय समाजसेवी, बुद्धिजिवी, सर्वसाधारण लगायतको उपस्थिति रहेको थियो ।