ललिता निवास जग्गा प्रकरणमा भाटभटेनीका सञ्चालक गुरुङसहित ५ जना पक्राउ

सुरक्षा-अपराध

गृहपृष्ठ
सुरक्षा-अपराध
ललिता निवास जग्गा प्रकरणमा भाटभटेनीका सञ्चालक गुरुङसहित ५ जना पक्राउ

ललिता निवास जग्गा प्रकरणमा भाटभटेनीका सञ्चालक गुरुङसहित ५ जना पक्राउ

मंगलबार, असार १२, २०८० बागेश्वरी पोस्ट

फाइल फोटो

नेपालगन्ज । केन्द्रीय अनुसन्धान ब्युरो (सिआईबी) ले भाटभटेनी सुपरमार्केटका सञ्चालक मीनबहादुर गुरुङलाई पक्राउ गरेको छ ।

सरकारले ललिता निवास जग्गा प्रकरणलाई ब्युँताएपछि उक्त प्रकरणमा मुछिएका व्यक्तिहरूलाई आज काठमाडौका विभिन्न स्थानबाट पक्राउ गर्ने क्रममा सबैभन्दा पहिला भाटभटेनी सुपरमार्केटका सञ्चालक मीनबहादुर गुरुङलाई नक्सालस्थित उनकै निवासबाटै पक्राउ गरेपछि अन्य चार जनालाई पक्राउ गरेर मुद्धालाई ब्युँताएको हो ।

ललिता लिवास जग्गा प्रकरणमा सीआईबीले भूमि सुधार तथा व्यवस्था विभागका तत्कालीन प्रमुख कलाधर देउजालाई नियन्त्रणमा लिएको छ । त्यस्तै कर्मचारी सुरेन्द्रमान कपाली, धर्मप्रसाद गौतम र हुपेन्द्रमणि केसीलाई काठमाडौँका विभिन्न ठाउँबाट पक्राउ परेका छन् ।

२०४९ सालदेखि २०६६ सम्म उनीहरू मालपोत कार्यालय र भूमि सुधार तथा व्यवस्था विभागमा काम गरेका थिए । अख्तियार दुरुपयोग अनुसन्धान आयोगले २०७६ माघ १२ गते पूर्व उपप्रधानमन्त्री विजयकुमार गच्छदार र पूर्वमन्त्रीद्वय चन्द्रदेव जोशी र डम्बर श्रेष्ठ, अख्तियारका पूर्वप्रमुख आयुक्त दीपकुमार बस्न्यातसहित १७५ जनाविरुद्ध विशेष अदालतमा मुद्दा दायर गरेको थियो ।

उक्त मुद्दामा तत्कालीन प्रधानमन्त्रीहरू माधवकुमार नेपाल र डा. बाबुराम भट्टराईको पनि नाम मुछिएकोमा अख्तियारले मन्त्रिपरिषद्को निर्णय आफ्नो क्षेत्राधिकारभित्र नपर्ने भन्दै मुद्दा नचलाउने निर्णय गरेको थियो ।

प्रकाशित मिति: मंगलबार, असार १२, २०८० १३:३३

प्रतिक्रिया दिनुहोस्