जेष्ठ नागरिक मिलन केन्द्रका लागि जनस्तरबाट सहयोग उठ्न थाल्यो

स्थानीय

गृहपृष्ठ
स्थानीय
जेष्ठ नागरिक मिलन केन्द्रका लागि जनस्तरबाट सहयोग उठ्न थाल्यो

जेष्ठ नागरिक मिलन केन्द्रका लागि जनस्तरबाट सहयोग उठ्न थाल्यो

बुधबार, असार १३, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाको वडा नम्बर १२ मा निर्माणाधीन जेष्ठ नागरिक मिलन केन्द्रका लागि जनस्तरबाट सहयोग उठ्न थालेको छ । करिब डेढ करोड रुपैयाँको लागतमा निर्माण हुन लागेको उक्त भवनका लागि जनस्तरबाट सहयोग संकलन हुने क्रम बढेको छ ।

मंगलबार थप दुई लाख बढी सहयोग संकलन भएको छ । १२ नम्बर वडाका स्थानीय गणेशराज पोखरेलले १ लाख १ हजार, सिटिजन बैंक नेपालगञ्जले १ लाख १ हजार र शिवराज बर्माले ११ हजार रुपैयाँ सहयोग गरेको वडा अध्यक्ष तरुणकुमार बज्राचार्यले बताए ।

May be an image of 6 people and text

भवन निर्माणका लागि सार्वजनिकरुपमा सहयोगको आह्वान गरिएको जेष्ठ नागरिक क्लबका अध्यक्ष अध्यक्ष अजितकुमार शर्माले बताए । भवन निर्माणका लागि नै यसअघि निवर्तमान प्रदेश सांसद सुरेन्द्र हमालको २०७९/२०८० को संसदीय कोषबाट २० लाख रकम प्राप्त भएको छ ।

त्यस्तै वडाका समाजसेवी गोपाल मल्ल ठकुरीले ५ लाख, रमेशकुमार श्रेष्ठले १ लाख १ हजार, प्रमोद जलानले ५१ हजार, कन्हैयालाल बैद्यले ३५ हजार, बिक्रम शाहले २१ हजार, राघव शाहले १५ हजार र राजेन्द्र केसीले ११ हजार सहयोग रकम प्रदान गरिसकेका छन् ।

नेपालगञ्ज उपमहानगरपालिकाको वडा नम्बर १२ को योजना अनुसार एक कट्ठा जग्गामा निर्माण हुन लागेको भवन जेष्ठ नागरिकहरुका लागि सुबिधा सम्पन्न बनाइनेछ । १ करोड ४७ लाख लागत इस्टिमेट तयार भएको सो संरचनाका लागि वडा नम्बर १२ ले आगामी आर्थिक बर्षमा १० लाख छुट्याएको वडा अध्यक्ष बज्राचायले जानकारी दिए ।

६० वर्षमाथिका जेष्ठ नागरिकहरुका लागि बहुउपयोगी भवनका रुपमा भवनको प्रयोग गरिने बताइएको छ । संरचना निर्माण सम्पन्नपछि धार्मिक कार्य, योगा अभ्यास, सचेतनामूलक कार्यक्रम, सिक्ने सिकाउने कार्यक्रम गर्न सकिनेछ । जसका लागि भवनमा योगा हल, कार्यक्रम हल, बैठक हल, अध्यक्ष कोठा, आराम कक्ष लगायत उपयोगका लागि कोठाहरु समेत हुने वडा अध्यक्ष बज्राचायले बताए ।

प्रकाशित मिति: बुधबार, असार १३, २०८० १०:४०

प्रतिक्रिया दिनुहोस्