उद्यमी महिलाका लागि क्षमता विकास तथा उत्प्रेरणा अभिबृद्धि तालिम

स्थानीय

गृहपृष्ठ
स्थानीय
उद्यमी महिलाका लागि क्षमता विकास तथा उत्प्रेरणा अभिबृद्धि तालिम

उद्यमी महिलाका लागि क्षमता विकास तथा उत्प्रेरणा अभिबृद्धि तालिम

बुधबार, असार १३, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाले उद्यमी महिलाका लागि क्षमता विकास तथा उत्प्रेरणा अभिबृद्धि तालिम प्रदान गरेको छ । महिला, बालबालिका तथा जेष्ठ नागरिक शाखाको आयोजनामा आज एक दिने तालिम प्रदान गरिएको हो ।

तालिममा आफ्नो धारणा राख्दै प्रमुख प्रशासकीय अधिकृत शिवप्रसाद रिजालले महिला उद्यमीहरुको क्षमता विकास गर्दै उत्प्रेरणा जगाउन तालिम आयोजना गरिएको बताए । उनले महिला उद्यमीहरुको विकास र उत्थानका लागि उपमहानगरपालिका प्रतिबद्ध रहेको बताए । आफ्ना उत्पादनहरुको बजारीकरण गर्न जरुरी रहेको बताउँदै उनले त्यसका लागि प्रचारप्रसारमा जोड दिन आग्रह गरे । बजारको अवस्था हेरेर उद्यम छनौट गर्न सुझाब दिँदै उनले दर्ता प्रक्रियामा आउन आग्रह समेत गरे । महिला उद्यमीहरुकलाई दर्तामा विशेष छुट दिने घोषणा समेत रिजालले गरे ।

No description available.

महिला उद्यमी संघ (विन) बाँकेकी उपाध्यक्ष सावित्रा बस्नेतले महिला उद्यमीहरुलाई साथ, सहयोग, हौसला प्रदान गर्दै नेपालगञ्ज उपमहानगरपालिकाले निकै सराहनीय काम गरिरहेको बताइन् । नेपालगञ्ज उपमहानगरपालिकाको अभिभावकत्वमा कोशली घर सञ्चालन भइरहेको बताउँदै उनले महिला उद्यमीहरुलाई बेला बेलामा तालिम सीप प्रदान गरेर ठूलो सहयोग गरिरहेको बताइन् ।

३ दर्जन उद्यमी महिलाहरु सहभागी भएको तालिममा सहजकर्ताको भूमिका शालिकराम डाँगीले निभाएको महिला, बालबालिका तथा जेष्ठ नागरिक शाखा प्रमुख मञ्जु पाण्डेले बताइन् । तालिममा महिला विकास अधिकृत पवित्रा पुरी, प्रेस सल्लाहकार नवीन गिरी लगायत उपस्थित थिए ।

No description available.