साउदी अरबमा गोली चल्दा एक नेपाली सुरक्षा गार्डको मृत्यु

विश्व

गृहपृष्ठ
विश्व
साउदी अरबमा गोली चल्दा एक नेपाली सुरक्षा गार्डको मृत्यु

साउदी अरबमा गोली चल्दा एक नेपाली सुरक्षा गार्डको मृत्यु

बिहीबार, असार १४, २०८० बागेश्वरी पोस्ट

नेपालगन्ज । साउदी अरबको जेद्दा शहरमा गोली चल्दा एक नेपालीको मृत्यु भएको छ ।

अन्तर्राष्ट्रिय समाचार संस्था अलजजिराका अनुसार अमेरिकी महावाणिज्य दूतावासमा गोली चल्दा त्यहाँ रहेका नेपाली सुरक्षागार्डको मृत्यु भएको हो ।

जेद्दास्थित अमेरिकी वाणिज्य दूतावास अगाडि एक व्यक्ति कारमा आएर बन्दुक लिएर ओर्लिएपछि सुरक्षाकर्मीहरुले उनलाई नियन्त्रणमा लिन खोज्दा गोली चलेको थियो ।

सोही गोलीबारीमा बन्दुकधारीसहित ती नेपाली सुरक्षा गार्ड गरी दुई जनाको मृत्यु भएको अलजजिराले बताएको छ । सुरक्षागार्डहरूले उनलाई रोक्ने क्रममा दोहोरो फायरिङ भएको थियो ।

दोहोरो फायरिङमा गम्भीर घाइते भएका नेपाली सुरक्षागार्ड उपचारको क्रममा मृत्यु भएको बताइएको छ ।

अलजजिराका अनुसार मृत्यु हुने नेपाली सुरक्षागार्डको पहिचान अझै खुलेको छैन । मृतक नेपाली महावाणिज्यदूतका निजी सुरक्षा सहयोगी मध्येका एक रहेको खुलेको छ ।

बुधबार भएको उक्त घटनाको साउदी अरब प्रहरीले अनुसन्धान गरिरहेको बताइएको छ ।

प्रकाशित मिति: बिहीबार, असार १४, २०८० १०:१८