वैजनाथ गाउँपालिकामा नेपाल स्वयंसेवी रक्तदाता समाज उपशाखा गठन

स्थानीय

गृहपृष्ठ
स्थानीय
वैजनाथ गाउँपालिकामा नेपाल स्वयंसेवी रक्तदाता समाज उपशाखा गठन

वैजनाथ गाउँपालिकामा नेपाल स्वयंसेवी रक्तदाता समाज उपशाखा गठन

बिहीबार, असार १४, २०८० बागेश्वरी पोस्ट

नेपालगञ्ज । बाँकेको वैजनाथ गाउँपालिकामा आज गाउँपालिका स्तरीय नेपाल स्वयंसेवी रक्तदाता समाज उपशाखा गठन गरिएको छ । “रक्तदान जीवनदान” भन्ने नाराका साथ देरभर क्रियाशील समाजको उपशाखा वैजनाथमा गठन गरिएको हो ।

वैजनाथ गाउँपालिका वडा नम्बर २ मा भएको स्थानीयबासीहरुको भेलाले सुरेन्द्र विकको अध्यक्षतामा ११ सदस्यीय कार्यसमिति गठन गरेको हो । उक्त समितिको उपाध्यक्षमा दिपक कार्की, सचिवमा सोनुसिंह विक, कोषाध्यक्षमा उषा थापा मगर र सहसचिवमा हेमन्त ओली चयन भएका छन् । यस्तै सदस्यहरुमा सपना ओली, वीर बहादुर थारु, सन्दीप खप्तडी, कृष्णसिंह ठकुरी, सिताराम खत्री रहेका छन् । त्यसैगरी सल्लाहकारहरुमा वैजनाथ गाउँपालिका वडा नम्बर २ का वडा अध्यक्ष राजु रुचाल ठकुरी, जिल्ला सहकारी संघ बाँकेका अध्यक्ष प्रेम प्रसाद सुवेदी, शेरबहादुर बस्नेत, अगन मल्ल, यज्ञ पुन, एकता शाह, भूमिसरा थापा, सितादेवी विश्वकर्मा र भूपाल शर्मा चयन भएका छन् ।

No description available.

सो अवसरमा नेपाल स्वयंसेवी रक्तदाता समाजका केन्द्रीय सदस्य गोविन्द वाग्लेले समाजले रगतको अभावमा कसैले जीवन गुमाउन नपरोस् भनेर देशभर रक्तदान अभियानलाई वृहत बनाउन शुरु गरेको बताए । विगत १८ वर्षदेखि त्रैमासिक रक्तदान कार्यक्रम सञ्चालन गर्दै आएको जनमत अद्र्धसाप्ताहिकका सम्पादक तथा समाजका सल्लाहकार पूर्णलाल चुकेले कसैको एक पिन्ट रगतले कसैको ज्यान बच्छ र नयाँ जीवन पाउँछ भने रक्तदानको यो महान अभियानमा सबैले हातेमालो गर्नुपर्नेमा जोड दिए ।

वडा नम्बर २ का वडाअध्यक्ष राजु रुचाल ठकुरीले निर्वाचित पदाधिकारीहरुलाई बधाई दिँदै बैजनाथ गाउँपालिकामा दुई वर्षअघि राष्ट्रिय युवा संघ नेपालको आयोजनामा सम्पन्न वृहत रक्तदान कार्यक्रममा ३ सय ४५ जनाले रक्तदान गरेर नेपालमै अहिलेसम्मको नयाँ कीर्तिमान कायम गरेको स्मरण गराए । उनले अब वैजनाथ गाउँपालिकामै नेपाल स्वयंसेवी रक्तदाता समाज उपशाखा गठन गरेर अभियानमा पुस्तान्तरण भएको र रक्तदान अभियानलाई निरन्तरता हुने विश्वास गर्दै वडा कार्यालयबाट पनि सहयोगको प्रतिवद्धता व्यक्त गरे । समाजका कोषाध्यक्ष मनमोहन वर्माले सञ्चालन गरेको उक्त भेलामा नवनिर्वाचित पदाधिकारी तथा सदस्यहरुलाई समाजका केन्द्रीय सदस्य वाग्ले र सल्लाहकार चुकले अविर लगाएर बधाई तथा सफल कार्यकालको शुभकामना दिएका थिए ।

बाँके जिल्लामा खजुरा गाउँपालिका, जानकी गाउँपालिका र राप्तीसोनारीमा यसअघि नै पालिका स्तरीय उपशाखा गठन भइसकेको छ भने अन्य बाँकी रहेका पालिकामा पनि क्रमिक रुपमा उपशाखा गठन गर्ने योजना रहेको समाजका अध्यक्ष दिला शाहले जानकारी दिइन् ।

प्रकाशित मिति: बिहीबार, असार १४, २०८० १८:५४

प्रतिक्रिया दिनुहोस्