बाँकेमा परेको जाहेरीले पप्पु कन्स्ट्रक्सनका सञ्चालक रौनियार काठमाडौंबाट पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा परेको जाहेरीले पप्पु कन्स्ट्रक्सनका सञ्चालक रौनियार काठमाडौंबाट पक्राउ

बाँकेमा परेको जाहेरीले पप्पु कन्स्ट्रक्सनका सञ्चालक रौनियार काठमाडौंबाट पक्राउ

शुक्रबार, असार १५, २०८० बागेश्वरी पोस्ट

नेपालगन्ज । काठमाडौंबाट पप्पु कन्स्ट्रक्सनका सञ्चालक हरिनारायण रौनियार पक्राउ परेका छन् । काठमाडौँ उपत्यका अपराध अनुसन्धान कार्यालयको टोलीले रौनियारलाई आज दिउँसो पक्राउ गरेको हो ।

उनले ठेक्का लिएका प्रायः निर्माणका काममा घोटाला हुँदै आएको छ । पूर्व सांसद एवं पप्पु कन्स्ट्रक्सनका पूर्व अध्यक्ष रौनियार बाँकेमा ठगीको उजुरी परेपछि अनुसन्धानका लागि पक्राउ परेका हुन् ।

बाँकेमा उनीविरुद्द ठगी कसुरमा मुद्दा दर्ता भएकाले काठमाडौँमा पक्राउ गरेर बाँके ल्याउने तयारी भइरहेको प्रहरीको भनाई छ । उनी निर्माण ठेक्का पाएका पुलदेखि अन्य संरचना मापदण्ड पूरा नगरेको भन्दै विवादमा तानिएका थिए ।

उनीविरुद्ध विषेश अदालतमा भ्रष्टाचारको मुद्दा दायर भएपछि सांसदबाट स्वतः निलम्बित भएका थिए ।

बर्दियाको जब्दिघाटमा बबई नदीमाथि पुल निर्माणका क्रममा अनियमितता भएको ठहर गर्दै अख्तियार दुरुपयोग अनुसन्धान आयोगले रौनियारसहित उनका छोरा सुमित र अन्य १० जनाविरुद्ध मुद्दा दायर गरेको हो ।

प्रकाशित मिति: शुक्रबार, असार १५, २०८० १८:३१

प्रतिक्रिया दिनुहोस्