बाँकेको राप्तीमा आएको बाढीमा फसेका ६ जनासहित ७८ बाख्राको उद्दार

स्थानीय

गृहपृष्ठ
स्थानीय
बाँकेको राप्तीमा आएको बाढीमा फसेका ६ जनासहित ७८ बाख्राको उद्दार

बाँकेको राप्तीमा आएको बाढीमा फसेका ६ जनासहित ७८ बाख्राको उद्दार

आइतबार, असार १७, २०८० बागेश्वरी पोस्ट

नेपालगन्ज । बाँकेको राप्ती नदीमा बाढी आएसँगै थप जोखिम बढ्दै गएको छ ।

नदी बढेसँगै गएराती राप्तीसोनारी वडा नं. २ शम्शेरगन्जस्थित राप्ती नदीको बिचको टापु जंगलमा फसेकाहरुलाई गएराती साढे ९ बजे सकुशल उद्दार गरिएको छ।

राप्तीसोनारी गाउँपालिकाको शम्शेरगन्जस्थित राप्ती नदीको बिचको टापु जंगलमा बाख्रा गोठाला गएका ६ जना गोठालाहरु र ७८ वटा बाख्रा शनिबार साँझ ५ बजेदेखि फसेको सूचना पाए लगत्तै प्रमुख जिल्ला अधिकारी विपिन आचार्यको नेतृत्वमा गएको बाँके राष्ट्रिय निकुञ्जको सुरक्षार्थ खटिएको नेपाली सेना, नेपाल प्रहरी, शम्शेरगन्जस्थित सशस्त्र प्रहरीको विशेष उद्दार टोलीले टापुमा फसेका ६ जना र ७८ वटा बाख्रालाई सकुशल उद्दार गरेको हो ।

उनीहरुको उद्दार कार्यमा जनप्रतिनिधि, राजनीतिक दलका प्रतिनिधिसहित स्थानीयवासी समेत खटिएका थिए ।

उद्दार कार्यमा खटिएका बाँके कांग्रेसका प्रवक्ता डिल्ली गिरीले सुरक्षा निकायको सर्हानीय कार्यलाई धन्यवाद दिएका छन् ।

राप्तीसोनारी २ का स्थानीयवासी समेत रहेका प्रवक्ता गिरीले त्यहाँका स्थानीयहरुलाई सचेत रहन आग्रह समेत गरेका छन् ।

प्रकाशित मिति: आइतबार, असार १७, २०८० ०७:०१

प्रतिक्रिया दिनुहोस्