राजनीतिक दलको झोला बोकेर विश्वविद्यालय छिर्न रोक लगाऔं: गगन थापा

राजनीति

गृहपृष्ठ
राजनीति
राजनीतिक दलको झोला बोकेर विश्वविद्यालय छिर्न रोक लगाऔं: गगन थापा

राजनीतिक दलको झोला बोकेर विश्वविद्यालय छिर्न रोक लगाऔं: गगन थापा

सोमबार, असार १८, २०८० बागेश्वरी पोस्ट

फाइल फोटो

नेपालगन्ज । राजनीतिक दलको झोला बोकेर विश्वविद्यालय छिर्न रोक लगाउनु पर्ने भन्ने कुरालाई स्थापित गर्नुपर्ने नेपाली काँग्रेसका महामन्त्री गगनकुमार थापाले बताएका छन् ।

गिरिजाप्रसाद कोइरालाको १००औं जन्मजयन्तीको अवसरमा आज काठमाडौँमा आयोजित कार्यक्रमलाई सम्बोधन गर्दै महामन्त्री थापाले विश्वविद्यालयलाई शतप्रतिशत राजनीतिबाट टाढा राख्नुपर्ने बताएका हुन् ।

थापाले दलको झोला बोकेर विश्वविद्यालय छिर्न पाइँदैन भन्ने कुरालाई अन्त्य नगरेसम्म विश्वविद्यालयमाथि उठ्न नसक्ने बताए । कुनै पनि दलको झोला बोक्ने प्राध्यापक, विद्यार्थी, कर्मचारी कसैलाई पनि विश्वविद्यालयले चिन्दैन भन्ने कुरा स्थापित गर्नुपर्नेमा उनले जोड दिए ।

उनले विश्वविद्यालयको अवस्था झनै कहालीलाग्दो भएको र यसको दोष राजनीतिक दल र सरकारको नेतृत्व गर्नेहरुले लिनुपर्ने बताए। उनले उच्च प्राथमिकतामा राखेर ससदमा तत्काल, संघीय शिक्षा ऐन ल्याउन प्रधानमन्त्री पुष्पकमल दाहालको ध्यानाकर्षण गराए । उनले सरकारले विद्यालय शिक्षामा आएको संकटलाई बुझ्न नसकेको बताए ।

महामन्त्री थापाले सरकारले बजेटमार्फत विद्यालय पूर्वाधारमा छुट्याएको रकम कम भएको उल्लेख गरे ।

प्रकाशित मिति: सोमबार, असार १८, २०८० १५:४९