नाबालिग बलात्कार प्रकरणमा एलओडीका सञ्चालकविरुद्ध पक्राउ पुर्जी जारी

सुरक्षा-अपराध

गृहपृष्ठ
सुरक्षा-अपराध
नाबालिग बलात्कार प्रकरणमा एलओडीका सञ्चालकविरुद्ध पक्राउ पुर्जी जारी

नाबालिग बलात्कार प्रकरणमा एलओडीका सञ्चालकविरुद्ध पक्राउ पुर्जी जारी

बिहीबार, असार २१, २०८० बागेश्वरी पोस्ट

काठमाडौँ । नाबालिक बलात्कार प्रकरणमा काठमाडौँको ठमेलस्थित चर्चित नाइट क्लब एलओडीका सञ्चालकविरुद्ध पक्राउ पुर्जी जारी भएको छ ।

ललितपुर जिल्ला अदालतले एलओडीका सञ्चालकहरु रुदिलबल्लव श्रेष्ठ र राजुसिंह सुवालविरुद्ध पक्राउ पुर्जी जारी गरेको हो ।

क्लबमा नाबालिग प्रवेश गराएको आरोपमा उनीहरुविरुद्ध पक्राउ पुर्जी जारी गरिएको हो । पक्राउ पुर्जी जारी भएसँगै ललितपुर प्रहरी परिसरले उनीहरुको खोजी गरिरहेको छ ।

गत जेठ ३१ गते बुधबार राति ललितपुरको बागडोलमा १६ वर्षीया नाबालिगको बलात्कार भएको थियो। त्यसको भोलिपल्टै नाबालिगले प्रहरीलाई जानकारी दिएपछि आरोपी पोखराका ५० वर्षीय सुदन कोइराला पक्राउ परेका थिए। उनी बागडोलमा एक प्राइभेट कम्पनी चलाएर बसेका थिए।

प्रहरी स्रोतका अनुसार नाबालिगलाई कोइरालाले एलओडी क्लबमा भेटेका थिए। नाबालिग एसइई परीक्षा दिएर बसेकी थिइन्।

सोही घटनाले एलओडीका सञ्चालकद्वय श्रेष्ठ र सुवाललाई अनुसन्धान र कारबाहीको दायरामा ल्याउन प्रहरीले खोजिरहेको हो ।

प्रकाशित मिति: बिहीबार, असार २१, २०८० १५:०२

प्रतिक्रिया दिनुहोस्