नाबालिक बलात्कार घटनामा एलओडीका सञ्चालक राजुसिंह सुवाल पक्राउ

सुरक्षा-अपराध

गृहपृष्ठ
सुरक्षा-अपराध
नाबालिक बलात्कार घटनामा एलओडीका सञ्चालक राजुसिंह सुवाल पक्राउ

नाबालिक बलात्कार घटनामा एलओडीका सञ्चालक राजुसिंह सुवाल पक्राउ

बिहीबार, असार २१, २०८० बागेश्वरी पोस्ट

काठमाडौं । बलात्कार भएकी नाबालिगलाई क्लबमा प्रवेश गराएको आरोपमा ललितपुर अदालतबाट पक्राउ पुर्जी जारी गरिएका ठमेलस्थित एलओडीका सञ्चालक राजुसिंह सुवाल पक्राउ परेका छन् ।

ललितपुर प्रहरीले आज बालुवाटारबाट सुवाललाई पक्राउ गरेको ललितपुर प्रहरीका प्रमुख एसएसपी शिद्धिविक्रम शाहले जानकारी दिएका छन् ।

गत जेठ ३१ गते बुधबार राति ललितपुरको बागडोलमा १६ वर्षीया नाबालिगको बलात्कार भएको थियो । त्यसको भोलिपल्टै नाबालिगले प्रहरीलाई जानकारी दिएपछि आरोपी पोखराका ५० वर्षीय सुदन कोइराला पक्राउ परेका थिए । उनी बागडोलमा एक प्राइभेट कम्पनी चलाएर बसेका थिए ।

एलओडी क्लबमा नाबालिग प्रवेश गराएको आरोपमा सञ्चालकहरु रुदिलबल्लव श्रेष्ठ र राजुसिंह सुवालविरुद्ध पक्राउ पुर्जी जारी भएको थियो । पक्राउ पुर्जी जारी भएसँगै ललितपुर प्रहरी परिसरले उनीहरुको खोजी गरिरहदा आज सुवाल पक्राउ परेका हुन् ।

प्रहरी स्रोतका अनुसार नाबालिगलाई कोइरालाले एलओडी क्लबमा भेटेका थिए। नाबालिग एसइई परीक्षा दिएर बसेकी थिइन् । एलओडीका अर्का सञ्चालक श्रेष्ठ फरार रहेपनि उनको खोजी भइरहेको प्रहरीले जानकारी दिएको छ ।

प्रकाशित मिति: बिहीबार, असार २१, २०८० १९:१७

प्रतिक्रिया दिनुहोस्