जनताको पूर्ण समर्थन पाएको यो सरकार ढल्दैन: प्रवक्ता शर्मा

राजनीति

गृहपृष्ठ
राजनीति
जनताको पूर्ण समर्थन पाएको यो सरकार ढल्दैन: प्रवक्ता शर्मा

जनताको पूर्ण समर्थन पाएको यो सरकार ढल्दैन: प्रवक्ता शर्मा

शुक्रबार, असार २२, २०८० बागेश्वरी पोस्ट

काठमाडौं । सञ्चार तथा सूचना प्रविधिमन्त्री रेखा शर्माले वर्तमान सरकारलाई जनताको पूर्ण समर्थन भएकाले सरकार ढल्ने कुनै सम्भावना नरहेको बताएकी छन् ।

प्रेस सेन्टर नेपाल काठमाडौँ शाखाले आज आयोजना गरेको अन्तरक्रियामा नेपाल सरकारका प्रवक्ता शर्माले सरकारले राम्रो काम गरिरहेकाले सरकार ढल्ने औचित्य र आवश्यकता नभएको स्पष्ट गरिन् ।

“सरकारलाई जनताको पूर्ण समर्थन छ । भ्रष्टाचारविरुद्धका कदमका कारणले पनि जनताको मर्म बुझेर सरकार काम गरिरहेको अनुभूति भएको छ । सत्तागठबन्धन यो सरकारको पक्षमा कटिबद्ध छ र सरकार दृढतापूर्वक आफ्ना कदम चाल्दैछ”, मन्त्री शर्माले भनिन्, “बाहिर कहाँ के चलिरहेको छ, हामीलाई थाहा भएन ।

सरकार पीडितलाई न्याय दिन र पीडकलाई कारबाही गर्न पछि पर्नेछैन । राम्रो काम गर्दागर्दै सरकार ढल्छ भने पनि हामीलाई आपत्ति छैन ।” रासस

प्रकाशित मिति: शुक्रबार, असार २२, २०८० १५:१२

प्रतिक्रिया दिनुहोस्