एमालेले चल्न दिएन प्रतिनिधि सभा, आइतबारसम्मलाई बैठक स्थगित

राजनीति

गृहपृष्ठ
राजनीति
एमालेले चल्न दिएन प्रतिनिधि सभा, आइतबारसम्मलाई बैठक स्थगित

एमालेले चल्न दिएन प्रतिनिधि सभा, आइतबारसम्मलाई बैठक स्थगित

शुक्रबार, असार २२, २०८० बागेश्वरी पोस्ट

काठमाडौं । नेकपा एमालेले प्रतिनिधि सभाको बैठक चल्न नदिएपछि आजको बैठक स्थगित भएको छ ।

प्रधानमन्त्री पुष्पकमल दाहाल प्रचण्डले गत सोमबार दिएको विवादास्पद अभिव्यक्तिका कारण प्रमुख प्रतिपक्ष दल एमालेले संसद चल्न नदिएपछि आजको बैठक बस्दै नबसी सूचना टाँसेर आइतबारसम्मका लागि स्थगित गरिएको छ ।

संसदमा उत्पन्न भएको गतिरोध खोल्न दलहरुबीच सहमति नभएपछि बैठक आइतबारसम्मका लागि स्थगित भएको हो ।

सभामुखले बोलाएको कार्यव्यवस्था परामर्श समितिको बैठकमा दलहरुबीच सदनलाई सहज रुपमा अघि बढाउने विषयमा सहमति नभएकाले बैठक आइतबारसम्मका लागि सूचना टाँसेर स्थगित गरिएको हो । सभामुख घिमिरेले सदन खुलाउने प्रयास गरेपनि सम्भब नहुँदा आइत्सम्मलाई बैठक स्थगित गरिएको हो ।

यसअघि आजको राष्ट्रिय सभाको बैठकमा पनि एमालेले अवरोध गरेपछि अध्यक्ष गणेशप्रसाद तिमिल्सिनाले आइतबारसम्मका लागि बैठक स्थगित गरेका थिए ।

प्रकाशित मिति: शुक्रबार, असार २२, २०८० १५:४२

प्रतिक्रिया दिनुहोस्