राष्ट्रिय सभा बैठक फेरि स्थगित, शिर्ष नेताको बैठक राखी समस्या समाधान गर्न आह्वान

राजनीति

गृहपृष्ठ
राजनीति
राष्ट्रिय सभा बैठक फेरि स्थगित, शिर्ष नेताको बैठक राखी समस्या समाधान गर्न आह्वान

राष्ट्रिय सभा बैठक फेरि स्थगित, शिर्ष नेताको बैठक राखी समस्या समाधान गर्न आह्वान

आइतबार, असार २४, २०८० बागेश्वरी पोस्ट

काठमाडौं । नेकपा एमालेले आज सुरु भएको राष्ट्रिय सभा बैठक अवरुद्ध गरेको छ । एमालेका सांसदहरुले बैठक अवरुद्ध गरेपछि अध्यक्ष गणेशप्रसाद तिमिल्सिनाले बैठकलाई सोमबारसम्मका लागि स्थगित गरेका छन् ।

अध्यक्ष तिमिल्सिनाले बैठक स्थगित गर्दै शीर्ष नेताहरूको बैठक राखी समस्याको समाधान गर्न प्रधानमन्त्री पुष्पकमल दाहाल प्रचण्डलाई आव्हान गरेका छन् ।

आज बसेको बैठकमा एमालेका सांसदहरुले प्रधानमन्त्रीको राजिनामा माग गर्दै अवरोध गरेपछि तिमिल्सिनाले बैठक स्थगित गर्दै प्रधानमन्त्रीलाई आव्हान गरेका हुन् ।

प्रधानमन्त्री प्रचण्डले एक प्रसङ्गमा प्रितम सिंह आफूलाई प्रधानमन्त्री बनाउन दिल्ली गएको बताएपछि त्यसैलाई लिएर एमालेले सदन अवरुद्ध गर्दै आएको हो । एमालेले लगातार चार दिनदेखि संसद अवरोध गर्दै आएको छ ।

तिमिल्सिनाले संसद सुचारु गर्न प्रधानमन्त्रीलाई सत्तापक्ष र प्रतिपक्षका शीर्ष नेताहरूको बैठक राखी आपसी संवादको माध्यमबाट उपयुक्त निष्कर्ष निकाल्न आव्हान गरेका छन् ।

प्रकाशित मिति: आइतबार, असार २४, २०८० १२:२५

प्रतिक्रिया दिनुहोस्