जोर्डन जान लागेका १५ जना विमानस्थलबाटै फर्काइए

सुरक्षा-अपराध

गृहपृष्ठ
सुरक्षा-अपराध
जोर्डन जान लागेका १५ जना विमानस्थलबाटै फर्काइए

जोर्डन जान लागेका १५ जना विमानस्थलबाटै फर्काइए

सोमबार, असार २५, २०८० बागेश्वरी पोस्ट

काठमाडौं । जोर्डन जान लागेका १५ जना आइतबार राती त्रिभुवन अन्तर्राष्ट्रिय विमानस्थलको अध्यागमन विभागबाट रोकिएका छन् ।

उनीहरूको कागजात अध्ययन गर्दा केही शङ्कास्पद देखिएकाले अनुसन्धानका लागि रोकिएको अध्यागमन विभागले जनाएको छ ।

जोर्डन जान लागेकामा एक पुरुष र १४ जना महिला छन् । विभागका महानिर्देशक झलकराम अधिकारीले डकुमेन्टहरू शङ्कास्पद देखिएकाले उनीहरूलाई अध्यागमन विभागबाट खटिएका कर्मचारीले त्यसतर्फ जानबाट रोकेको जानकारी दिए ।

उनले भने, “उक्त विषयमा अध्ययन हुँदैछ, आज छलफलका लागि बोलाएका छौँ, व्यवसायीहरू पनि आउनुहोला, अनि उपयुक्त निर्णय हुनेछ ।”

उनका अनुसार आधिकारिकरूपमा श्रम स्वीकृति नदेखिएको पाइएको छ । उनीहरूको श्रम स्वीकृति अनलाइनमा पनि नदेखिएको विभागको भनाइ छ ।

प्रकाशित मिति: सोमबार, असार २५, २०८० ०७:३१

प्रतिक्रिया दिनुहोस्