इलाका प्रहरी इन्चार्ज होटलमा मृत भेटिए, होटल साहुनी र छोरा नियन्त्रणमा

सुरक्षा-अपराध

गृहपृष्ठ
सुरक्षा-अपराध
इलाका प्रहरी इन्चार्ज होटलमा मृत भेटिए, होटल साहुनी र छोरा नियन्त्रणमा

इलाका प्रहरी इन्चार्ज होटलमा मृत भेटिए, होटल साहुनी र छोरा नियन्त्रणमा

मंगलबार, साउन ९, २०८० बागेश्वरी पोस्ट

काठमाडौं । बागलुङका एक जना वरिष्ठ प्रहरी नायब निरीक्षक (सई) मृत भेटिएका छन् । इलाका प्रहरी कार्यालय भिमगिठेका इन्चार्ज समेत रहेका सई उज्वल पौडेल होटलमा मृत भेटिएका हुन् ।

जिल्ला प्रहरी कार्यालय बागलुङका अनुसार उनी सोमबार राति १२ बजेतिर बडिगाड गाउँपालिका–६ मा रहेको आशा होटलको तल्लो तलामा पासो लगाएको अवस्थामा मृत भेटिएका छन् ।

बागलुङकी प्रमुख जिल्ला अधिकारी रोशनीकुमारी श्रेष्ठका अनुसार होटेलको तल्लो तलामा पर्दाको पासो लगाएर झुण्डिएको र होटेल साहुका छोराले देखेर पासो काटेर वडाध्यक्षलाई खबर गरेका थिए ।

प्रहरीले अनुसन्धानका लागि होटलकी साहुनी र छोरालाई चौकीमा लिएको छ । घटना करिब सोमबार राति १२ बजेतिरको रहेको बताइएको छ । मध्यराति १ बजेतिर होटल सञ्चालकले वडाध्यक्षलाई फोन गरेर घटनाबारे जानकारी दिएका थिए ।

घटनाको अनुसन्धानका लागि जिल्ला प्रहरी कार्यालय बागलुङबाट प्रहरी टोली घटनास्थलतर्फ गइरहेको छ । जिल्लाबाट घटनास्थल करिब ७४ किलोमिटर टाढा रहेको छ । बाटो अवरुद्ध भएका कारण जिल्लाको टोली अझै घटनास्थल पुग्न सकेको छैन ।

प्रकाशित मिति: मंगलबार, साउन ९, २०८० ०९:४४

प्रतिक्रिया दिनुहोस्