निवर्तमान वडाध्यक्ष बेहनाद्वारा फलफूल तथा पानी वितरण

स्थानीय

गृहपृष्ठ
स्थानीय
निवर्तमान वडाध्यक्ष बेहनाद्वारा फलफूल तथा पानी वितरण

निवर्तमान वडाध्यक्ष बेहनाद्वारा फलफूल तथा पानी वितरण

शनिबार, साउन १३, २०८० बागेश्वरी पोस्ट

नेपालगन्ज । नेपालगन्जमा इस्लाम धर्मवलम्बीहरुको महान पर्व मोहरम धुमधामका साथ मनाइएको छ ।

मोहरमका अवसरमा आज दिउँसो ताजिया सेलाउन जाने धर्मावलम्बीहरुलाई नेपालगन्ज वडा नं. ४ का निवर्तमान अध्यक्ष मो. सफिक बेहनाले फलफूल लगायत पेय पदार्थ नि:शुल्क वितरण गरेका हुन् ।

बाँके प्रदेश सभा २ 'ख' का राप्रपाका सभापति समेत रहेका युवा नेता बेहनाले ताजिया सेलाउन जाने सबैलाई फलफुल, पानी, जुस लगायतका सामग्री वितरण गरेका थिए ।

युवा नेता बेहनासँगै समाजसेवी युवा नेता रवि शंकर बर्माले नेपालगन्जस्थित सावा मस्जिद अगाडि दिनभर आफैँ बसेर ताजिया सेलाउन जाने धर्मावलम्बीहरुलाई फलफूल लगायतका सामग्री वितरण गरेका थिए ।

युवा नेता बेहनाले हरेक वर्ष हिन्दु-मुस्लिमहरुका चाडपर्वमा यस्तै सहयोग गर्दै आएका छन् । यति मात्रै नभई नेता बेहनाले अप्ठ्यारोमा परेका गरिब र दु:खीलाई सहयोग गर्दै आएका छन् ।

यस्तै निवर्तमान वडाध्यक्ष बेहनाले कोरोना कहरका बेलामा भेरी अस्पताल, सुरक्षा निकाय, गरिव, बेसहारालाई स्वास्थ्य सामग्री लगायत खाद्यान्न समेत नि:शुल्क वितरण गरेका थिए ।

प्रकाशित मिति: शनिबार, साउन १३, २०८० २०:२५

प्रतिक्रिया दिनुहोस्