एमनेष्टी इन्टरनेशनललाई बेल्जियममा रहेका प्रवासी नेपालीहरुका बारेमा चासो

विश्व

गृहपृष्ठ
विश्व
एमनेष्टी इन्टरनेशनललाई बेल्जियममा रहेका प्रवासी नेपालीहरुका बारेमा चासो

एमनेष्टी इन्टरनेशनललाई बेल्जियममा रहेका प्रवासी नेपालीहरुका बारेमा चासो

शुक्रबार, साउन १९, २०८० बागेश्वरी पोस्ट

बेल्जियम (लुभेन) । एमनेष्टी इन्टरनेशनल नेपाल शाखाका अध्यक्ष विपिन बुढाथोकी सम्मिलित प्रतिनिधि मण्डलले विहिबार गैरआवासीय नेपाली संघ बेल्जियमका उपाध्यक्ष लोकेन्द्र नेपालसंग भेट गरी बेल्जियममा रहेका प्रवासी नेपालीहरुको बारेमा जानकारी लिएको छ ।

भेटका क्रममा एआइका अध्यक्ष बुढाथोकीले बेल्जियममा प्रवासी नेपालीहरुको स्थिति र अवस्थाका बारेमा चासो राखेका थिए ।

अध्यक्ष बुढाथोकीको चासोमा एनआरएनका उपाध्यक्ष नेपालले बेल्जियममा प्रवासी नेपालीहरुले होटल तथा रेष्टुरेष्ट क्षेत्रमा ठुलोमात्रामा लगानी गरेर नेपाली तथा बिदेशीहरुलाई रोजगारी दिएको बताउँदै सोही क्षेत्रमा दक्ष कामदारको रुपमा काम गरिरहेको बताएका थिए ।

उपाध्यक्ष नेपालले बेल्जियममा काम गर्ने प्रवासी नेपालीहरुले यहाँको सरकार र समुदायमा इमान्दार, परिश्रमी र लगनशीलको परिचय दिन सफल भएको र उनीहरु आर्थिक र सामाजिक रुपले पनि सक्षम हुदै गएको जानकारी दिँदै नेपालीले संचालन गरेको व्यवसाय र दिएको रोजगारीबाट सरकारलाई मनग्य कर तिर्ने गरेको बताउँदै, अब दोश्रो पुस्ता भने सरकारी र निजी क्षेत्रमा रोजगारीको लागि तयार भइरहेको जानकारी दिए ।

नेपालले बेल्जियममा श्रमिकहरुको हक अधिकार कानूनले पनि निर्देशन र संरक्षण गरेको हुँदा व्यवसायीहरुले सोही अनुसारको सेवा सुविधा दिइरहेको बताएका थिए ।

प्रतिनिधि मण्डलमा महासचिब सुचिता कुइँकेल र निर्देशक निराजन थपलियाले पनि बेल्जियममा रहेका प्रवासी नेपालीहरुको बारेमा जिज्ञासा राखेका थिए ।

एआइको प्रतिनिधि मण्डल शुक्रवारदेखि ब्रसेल्समा संचालन भएको बिश्व सम्मेलनमा भागलिन बुधबार बेल्जियम आएको हो । टोलीमा अध्यक्ष बुढाथोकी लगायत महासचिब सचिता कुइँकेल र निर्देशक निराजन थपलिया रहेका छन् ।

एआइका महासचिब सचिता कुइकेलका अनुसार विश्व सम्मेलनमा भागलिन एआइका संसारभरी रहेका शाखाबाट करिब ३०० मानव अधिकारकर्मीहरु ब्रसेल्समा भेला भएको र उक्त भेलाले विभिन्न देशको मानव अधिकारको अवस्था र भावि रणनीतिका बारेमा छलफल हुने बताए ।

सम्मेलन आइतवारसम्म चल्ने एआइ नेपालका निर्देशक निराजन थपलियाले बताए । थपलियाले बिश्व मानव अधिकारको अवस्था लगायत नेपालको समग्र मानव अधिकारको स्थितिका बारेमा पनि छलफल हुने बताए ।

प्रकाशित मिति: शुक्रबार, साउन १९, २०८० १३:४९