श्रावस्तीमा नेपाली सवार कार दुर्घटना अपडेट: यी हुन् दुर्घटनामा मृत्यु हुनेहरु !

स्थानीय

गृहपृष्ठ
स्थानीय
श्रावस्तीमा नेपाली सवार कार दुर्घटना अपडेट: यी हुन् दुर्घटनामा मृत्यु हुनेहरु !

श्रावस्तीमा नेपाली सवार कार दुर्घटना अपडेट: यी हुन् दुर्घटनामा मृत्यु हुनेहरु !

आइतबार, साउन २१, २०८० बागेश्वरी पोस्ट

नेपालगन्ज । भारतको उत्तरप्रदेशस्थित श्रावस्ती जिल्लामा शनिबार साँझ नेपालगन्जका ७ जना सवार रहेको कार दुर्घटनामा मृत्यु हुनेको नाम प्रहरीले खुलाएको छ ।

दुर्घटनामा मृत्यु हुनेमा नेपालगन्जस्थित त्रिभुवन चोकमा रहेको एस कुमार वाच कम्पनीका सञ्चालक सन्तोष गुप्ताका २२ वर्षीय छोरा निलान्स गुप्ता र २० वर्षीया छोरी सुनिती गुप्ता रहेका छन् ।

त्यस्तै दुर्घटनामा नेपालगन्जकै सदरलाइनमा रहेको हरि ओम मेडिकलका एकै परिवारका ३५ वर्षीय बैभव गुप्ता, उनकी श्रीमती ३२ वर्षीया दिपीका गुप्ता, ३ वर्षीय छोरा डल्लु गुप्ता र ६ महिनाकी छोरी श्रीया गुप्ताको मृत्यु भएको जिल्ला प्रहरी कार्यालय बाँकेले जनाएको छ ।

दुर्घटनामा चालक अजय मिश्र गम्भीर घाइते भएका छन् । उनको उपचार भइरहेको छ ।

बाँके प्रहरीका अनुसार बलरामपुरबाट नेपालगन्ज आउँदै गरेको युपी ४७ डब्लु १२१७ नम्बरको कार श्रावस्ती जिल्लाको इकौना नजिक सडकमा गाईसँग ठोक्किँदा दुर्घटना भएको खुल्न आएको छ ।

बाँके प्रहरीले मृतकहरुको बहराइचमा पोस्टमार्टम पश्चात शव नेपाल ल्याउनका लागि आवश्यक प्रक्रियाको तयारी गरिरहेको जनाएको छ ।

उनीहरुको मृत्युको खबरले त्रिभुवन चोक शोकमा डुबेको छ ।

प्रकाशित मिति: आइतबार, साउन २१, २०८० १०:१७

प्रतिक्रिया दिनुहोस्