मुस्लिम मतदाताको साथ साझा प्रजातान्त्रिक प्यानललाई

स्थानीय

गृहपृष्ठ
स्थानीय
मुस्लिम मतदाताको साथ साझा प्रजातान्त्रिक प्यानललाई

मुस्लिम मतदाताको साथ साझा प्रजातान्त्रिक प्यानललाई

शुक्रबार, साउन २६, २०८० बागेश्वरी पोस्ट

नेपालगञ्ज । नेपालगञ्ज उद्योग वाणिज्य संघका मुस्लिम मतदाताहरुले साझा प्रजातान्त्रिक उद्योगी व्यवसायी समूहलाई साथ दिने भएका छन् ।

मुस्लिम मतदाताहरुले संघको नेतृत्वका लागि निर्वाचनमा होमिएको प्रजातान्त्रिक समूहलाई साथ दिने जनाएका हुन् ।

निर्वाचनको प्रचारप्रसारमा क्रममा मतदाताको घरदैलो पुग्दै गरेको प्रजातान्त्रिक समूहलाई यो पटकको निर्वाचनमा जिताउने उनीहरुको भनाई छ ।

व्यवसायी बदरुद्दिन अन्सारीले अबको नेतृत्व साझा प्रजातान्त्रिकले पाउने भएकाले आफ्नो साथ यसैलाई रहेको बताए ।

ललितकुमार रौनियार नेतृत्वको समूहले मतदाताको घरदैलो अभियानलाई तिब्र बनाएको छ । निर्वाचनको मिति नजिकिएसंगै प्रजातान्त्रिक समूहले मतदातासंग भेट्ने र उनीहरुको समस्या सुनिरहेको छ ।

प्रचारलाई तिब्र बनाएको अध्यक्ष पदका उम्मेदवार रौनियारले मुस्लिम मतदाताले आफूहरुको साथ रहेको बताएको बताए । मुस्लिम समुदायको व्यक्तिले नेतृत्व गरिसकेको भन्दै मतदाताले यो पटक परिवर्तनका लागि आफ्नो नेतृत्वलाई चुन्ने बताएको उम्मेदवार रौनियारले बताए ।

मुस्लिम समुदायका मतदातामाझ राम्रैसंग परिचित रौनियारको समूहलाई यो पटक सबैतिरबाट साथ समर्थन रहेको पाइएको सदस्य पदका उम्मेदवार अतुल गुप्ताले बताए । 'संघको निर्वाचनमा हामीले सबै मतदाताको समस्या पनि सुनिरहेका छौं,' उम्मेदवार गुप्ताले भन्नुभयो, 'यिनै समस्याहरु समाधानका निम्ति आफूहरुको नेतृत्वले काम गर्ने हो ।'

संघको आसन्न निर्वाचन यही भाद्र २ गते तय भएको छ । यो क्रममा उम्मेदवारहरुको नाम पनि चयन भइसकेको र मतदाताहरुमाझ पुग्ने क्रमलाई तीब्र बनाएका छन् ।

प्रकाशित मिति: शुक्रबार, साउन २६, २०८० १४:२२