न्यूज फ्ल्यास खबरद्वारा प्रेस युनियनको नवनिर्वाचित कार्यसमितिलाई सम्मान

स्थानीय

गृहपृष्ठ
स्थानीय
न्यूज फ्ल्यास खबरद्वारा प्रेस युनियनको नवनिर्वाचित कार्यसमितिलाई सम्मान

न्यूज फ्ल्यास खबरद्वारा प्रेस युनियनको नवनिर्वाचित कार्यसमितिलाई सम्मान

बुधबार, साउन ३१, २०८० बागेश्वरी पोस्ट

नेपालगञ्ज । न्यूज फ्ल्यास खबरले नेपाल प्रेस युनियन बाँकेको नवनिर्वाचित कार्यसमितिलाई स्वागत तथा सम्मान गरेको छ । न्यूज फ्ल्यास खबरका प्रकाशक/सम्पादक मो. अरशद शेष राईको अध्यक्षता तथा नेपाल प्रेस युनियनका बरिष्ठ उपाध्यक्ष प्रेम केसीको प्रमुख आतिथ्यतामा सम्पन्न कार्यक्रममा नवनिर्वाचित अध्यक्ष प्रियास्मृति ढकालसहित सम्पूर्ण कार्यसमितिलाई स्वागत तथा सम्मान गरिएको हो । नवनिर्वाचित सबैलाई अबिर र खादा लगाएर सम्मान गरिएको थियो ।

No description available.

कार्यक्रममा बोल्दै बरिष्ठ उपाध्यक्ष प्रेम केसीले नवनिर्वाचित कार्यसमितिलाई बधाई ज्ञापन गर्दै सफल कार्यकालको शुभकामना ब्यक्त गरेका थिए । उनले संगठनलाई सशक्त, गतिशील र चलायमान बनाउँदै अघि बढ्न आग्रह गर्दै मर्यादा र अनुशासन कायम गरेर अघि बढ्नुपर्नेमा जोड दिए ।

स्वागत तथा सम्मान कार्यक्रममा नेपाल पत्रकार महासंघ लुम्बिनी प्रदेश उपाध्यक्ष शुक्रऋषि चौलागाई, प्रेस युनियनका लुम्बिनी प्रदेश उपाध्यक्ष जयसिंह केसी, महासचिव नवीन गिरी र सदस्य गौरब गिरीले सबैलाई समेटेर जुझारु ढंगले संगठनलाई अघि बढाउन नवनिर्वाचित कार्यसमितिलाई आग्रह गर्दै व्यवसायिक हकहित र पेशागत सुरक्षाका लागि खरो उत्रनुपर्नेमा जोड दिए । पत्रकार महासंघमा युनियनको सशक्त उपस्थितिका लागि योजनाबद्ध ढंगले काम गर्न आग्रह समेत गरे ।

नवनिर्वाचित अध्यक्ष ढकालले संगठनलाई चलायन बनाउन प्रतिबद्ध रहेको उल्लेख गर्दै सबैलाई समेटर अघि बढ्ने बताए । स्वागत तथा सम्मानका लागि उनले न्यूज फ्ल्यास खबर परिवारप्रति कृतज्ञता व्यक्त गरे । न्यूज फ्ल्यास खबरका सम्पादक राईले नवनिर्वाचित कार्यसमितिलाई स्वागत तथा सम्मान गर्न पाउँदा खुसी लागेको बताउँदै बधाई ज्ञापन गरे । उनले सफल कार्यकालको शुभकामना दिए । सूर्यलाल यादवले सञ्चालन गरेको कार्यक्रममा सन्तोषकुमार गुप्ताले स्वागत मन्तब्य ब्यक्त गरेका थिए ।

No description available.