४ पूर्व मन्त्रीसहित २९० जनाविरुद्ध मुद्दा दर्ता

सुरक्षा-अपराध

गृहपृष्ठ
सुरक्षा-अपराध
४ पूर्व मन्त्रीसहित २९० जनाविरुद्ध मुद्दा दर्ता

४ पूर्व मन्त्रीसहित २९० जनाविरुद्ध मुद्दा दर्ता

आइतबार, भदौ १०, २०८० बागेश्वरी पोस्ट

काठमाडौं । जिल्ला सरकारी वकिलको कार्यालय काठमाडौंले बालुवाटारस्थित ललिता निवास जग्गा प्रकरणमा २९० जनाविरुद्ध मुद्दा दर्ता गरेको छ ।

वकिल कार्यालयले पूर्व उपप्रधानमन्त्री विजयकुमार गच्छदारसहित चार पूर्व मन्त्री, बहालवाला सचिव कृष्णबहादुर राउत, सहसचिव सुशील वैद्य, ६ पूर्वसचिव समेत २९० जनाविरुद्ध आज मुद्दा दर्ता गरेको हो ।

उनीहरुविरुद्ध आज काठमाडौँ जिल्ला अदालतमा मुद्दा दायर भएको हो । अदालतका सूचना अधिकारी दीपक दाहालका अनुसार उनीहरूमाथि कीर्तेमा मुद्दा दायर भएको हो ।

प्रहरीको केन्द्रीय अनुसन्धान ब्युरो (सीआईबी) ले २८६ जनाविरुद्ध कीर्ते र संगठित अपराधमा मुद्दा चलाउन राय दिएकामा जिल्ला सरकारी वकिलको कार्यालयले आइतबार २९० जनाविरुद्ध अभियोजन गर्ने निर्णय गरी अदालत गएको हो । तर, सरकारी वकिलको कार्यालयले कीर्तेमा मात्र मुद्दा चलाएको हो ।

सीआईबीले सरकारी वकिल कार्यालयलाई ललिता निवास जग्गा प्रकरणमा पूर्व प्रधानमन्त्री माधव कुमार नेपाल र डा. बाबुराम भट्टराईलाई साक्षी बनाएर र सचिव राउतलाई मुद्दा नचलाउने राय दिएपनि सरकारी वकिल कार्यालयले राउलाई प्रतिवादी बनाउँदै किर्तेको कसुरमा मुद्दा दर्ता गरेको हो ।

प्रकाशित मिति: आइतबार, भदौ १०, २०८० १४:२१

प्रतिक्रिया दिनुहोस्