६० किलो सुन तस्करीमा पक्राउ परेका एक चिनियाँसँग ३ देशको नागरिकता

सुरक्षा-अपराध

गृहपृष्ठ
सुरक्षा-अपराध
६० किलो सुन तस्करीमा पक्राउ परेका एक चिनियाँसँग ३ देशको नागरिकता

६० किलो सुन तस्करीमा पक्राउ परेका एक चिनियाँसँग ३ देशको नागरिकता

बुधबार, भदौ १३, २०८० बागेश्वरी पोस्ट

सांकेतिक तस्बिर

काठमाडौं । त्रिभुवन अन्तर्राष्ट्रिय विमानस्थलबाट बाहिरिएको ६० किलो ७१६ ग्राम सुन तस्करी प्रकरणमा पक्राउ परेका एक चिनियाँ नागरिकको साथबाट तीन देशको नागरिकता भेटिएको छ ।

सुन तस्करी प्रकरणको अनुसन्धानका क्रममा गत भदौ १ गते प्रहरीको केन्द्रीय अनुसन्धान ब्यूरो (सीआईबी) द्वारा पक्राउ परेका चिनियाँ नागरिक याओ पुचेङसँग चीनसहित भारत र नेपालको नागरिकता पनि फेला परेको छ ।

सीआईबीका अनुसार उनलाई पक्राउ गर्दा भारतको आधार कार्ड समेत भेटिएको थियो ।पुचेङले हरियानाको गुरुग्रामबाट आधार कार्ड बनाएको पाइएको सीआईबीले जनाएको छ ।

यस्तै उनको साथबाट काभ्रे जिल्लाबाट बनाइएको नेपाली नागरिकता पनि फेला परेको छ । उनले काभ्रेबाट बनाएको नागरिकता आधारमा राहदानी समेत बनाएको खुल्न आएको छ । चिनियाँ नागरिक रहेका उनीसँग चिनियाँ सरकारी कागजात पनि भेटिएको सीआईबीले जनाएको छ ।

पुचेङले बनाएको नागरिकताको सक्कल विवरण माग्दा भने जिल्ला प्रशासन काभ्रेमा भने उनले बनाएको नागरिकतको रेकर्ड फेला नपरेको सीआईबीले जानकारी दिएको छ ।

सोही प्रकरणमा पक्राउ परेका अन्य ३ जना चिनियाँ नागरिकले पनि लिएको नेपाली नागरिकताबारे कुनै विवरण फेला परेका छैनन् । उनीहरु पक्राउ परेपछि सबै सक्कल विवरण गायब पारिएको आंशका सीआईबीले गरेको छ। अहिलेसम्म सुन तस्करी प्रकरणमा सीआबीले आधा दर्जन चिनियाँ नागरिकलाई पक्राउ गरिसकेको छ ।

प्रकाशित मिति: बुधबार, भदौ १३, २०८० ०६:३५

प्रतिक्रिया दिनुहोस्