शिक्षकका न्यायोचित माग यथाशिघ्र सम्बोधन गर्न कांग्रेस बाँकेको आग्रह

राजनीति

गृहपृष्ठ
राजनीति
शिक्षकका न्यायोचित माग यथाशिघ्र सम्बोधन गर्न कांग्रेस बाँकेको आग्रह

शिक्षकका न्यायोचित माग यथाशिघ्र सम्बोधन गर्न कांग्रेस बाँकेको आग्रह

बिहीबार, असोज ४, २०८० बागेश्वरी पोस्ट

नेपालगन्ज । नेपाली कांग्रेस बाँकेले शिक्षक आन्दोलनले अघि सारेका न्यायोचित माग यथाशिघ्र सम्बोधन गर्न सरकारसंग आग्रह गरेको छ । पार्टी सभापति नारायणप्रसाद गौडेलले आज एक प्रेस विज्ञप्ती जारी गर्दै शिक्षकको आन्दोलनप्रति नेपाली कांग्रेस बाँकेको गम्भीर ध्यानाकर्षण भएको उल्लेख गरेका छन् ।

सभापति गौडेलले भनेका छन्, "शिक्षाको ज्योति छर्ने शिक्षकहरु विभिन्न माग राखी आन्दोलनमा उत्रिनुपर्ने अवस्था सिर्जना हुनु निकै दुःखद् पक्ष हो । लाखौं बालबालिकाहरु पठनपाठनबाट बञ्चित हुने अवस्था सिर्जना भएको विषम् परिस्थितिप्रति गम्भीर बन्न आवश्यक छ ।"

शिक्षक आन्दोलनले अघि सारेका न्यायोचित माग यथाशिघ्र सम्बोधन गर्न सरकारसमक्ष जोडदार अपिल गरिएको छ । बर्षौंपछि निर्माण हुँदै गरेको संघीय शिक्षा ऐनमार्फत बर्षौंदेखि अल्झिएका समस्याहरुको गाँठो फुकाउन सरकारले यथोचित पहल गर्नुपर्ने विज्ञप्तीमा उल्लेख छ ।

शिक्षक र सरकारलाई संवादमार्फत तत्काल समाधान खोजेर विद्यालय अबिलम्ब सुचारु गर्न गराउन सरकार र शिक्षक नेतृत्वसंग आग्रह गरिएको छ ।

'शिक्षा विधेयक संसदमा दर्ता भएको अवस्थामा त्यसमाथि छलफल गर्ने, संशोधन गर्ने र शिक्षकहरुलाई आत्मसम्मान महसूस हुने गरी निष्कर्षमा पुग्ने भरोसा शिक्षकहरुलाई दिलाएर पठनपाठनको वातावरण सिर्जना गर्नु राज्यको दायित्व हो । तसर्थ सरकारले ठोस अग्रसरता लिन जरुरी छ," विज्ञप्तीमा भनिएको छ ।

प्रकाशित मिति: बिहीबार, असोज ४, २०८० १८:५३

प्रतिक्रिया दिनुहोस्