'गरिबी लखेट्ने हो, गरिब होइन': केपी ओली

राजनीति

गृहपृष्ठ
राजनीति
'गरिबी लखेट्ने हो, गरिब होइन': केपी ओली

'गरिबी लखेट्ने हो, गरिब होइन': केपी ओली

मंगलबार, असोज ९, २०८० बागेश्वरी पोस्ट

फाइल फोटो

काठमाडौं । महानगरबाट गरिव नभई गरिवी लखेट्नुपर्ने नेकपा एमालेका अध्यक्ष केपी शर्मा ओलीले बताएका छन् ।

आज अध्यक्ष ओलीले सामाजिक सञ्जालमा सो कुरा बताएका हुन् । उनले समाधानको उपाय निकालेर काठमाडौँका फुटपाथमा रोजीरोटी गर्ने मानिसहरुको व्यवस्थापन गर्नुपर्ने बताएका छन् ।

उनले फुटपाथ व्यापार नेवारी व्यापार संस्कृतिको अंश पनि रहेको उल्लेख गरेका छन् । उनले लेखेका छन्- "हो, फुटपाथ हिँड्नकै लागि हो । पैदल यात्री सहज रूपमा हिँडुन् भनेर नै फुटपाथ बनाइएको हो । यसमा कसैको दुई मत छैन होला, मेरो पनि छैन । कुरा परम्परादेखि फुटपाथमा रोजीरोटीका लागि गुजारा व्यापार गरिरहनु भएका मानिसहरूको व्यवस्थापन कसरी गर्ने भन्ने मात्रै हो । फुटपाथ व्यापार हाम्रो परम्परागत नेवारी व्यापार संस्कृतिको अंश पनि हो । असन, इन्द्रचोक, भोटाहिटीतिर ५०औँ वर्ष अघिदेखि यस्तो चलेको हामीले देखेका थियौँ । पुराना किताब, इतिहास र कथाहरूमा असन, इन्द्रचोकको व्यापारका विषयमा पढ्न पनि पाइन्छ ।"

उनले परम्परागत रूपमा चल्दै आएको कुरालाई एक्कासी परिवर्तन गर्न खोज्दा केही अस्वाभाविक हुने भन्दै महानगरबाट गरिव नभई गरिवी लखेट्नुपर्ने बताएका छन् । उनले लेखेका छन् ,"अहिले परम्परागत रूपमा चल्दै आएको कुरालाई एक्कासि परिवर्तन गर्न खोज्दा केही खलबली हुनु स्वाभाविक र वैज्ञानिक पनि हो । उपमेयरले भेट्नु भएको भन्ने सुनेँ । यो वार्ताबाट समाधान खोज्ने सङ्केत हुन सक्छ । दुबै युवा हुनुहुन्छ, छलफल गर्नुहोस्, समाधान निकाल्नुहोस् । हामीले महानगरबाट गरिवी लखेट्नुपर्छ, गरिव होइन । समाधानको उपाय के हुन सक्छ, तपाईंहरूको विचार पनि राख्नुस् है ।"

प्रकाशित मिति: मंगलबार, असोज ९, २०८० १३:५८

प्रतिक्रिया दिनुहोस्