'मोहम्मद डे' का अवसर नरैनापुरका अध्यक्ष शाहद्वारा शुभकामना व्यक्त

स्थानीय

गृहपृष्ठ
स्थानीय
'मोहम्मद डे' का अवसर नरैनापुरका अध्यक्ष शाहद्वारा शुभकामना व्यक्त

'मोहम्मद डे' का अवसर नरैनापुरका अध्यक्ष शाहद्वारा शुभकामना व्यक्त

बिहीबार, असोज ११, २०८० बागेश्वरी पोस्ट

नरैनापुर (बाँके) । आज मुस्लिम धर्मावलम्बीहरुको महत्त्वपूर्ण पर्व 'मोहम्मद डे' अर्थात इस्लाम धर्मका प्रवर्तक पैगम्बर हजरत मोहमद सल्लल्लाहु बसल्लमको जन्मदिन । आज मुस्लिम धर्मावलम्बीहरुले 'मोहम्मद डे'लाई धुमधामका साथ मनाउँदैछन् ।

यस अवसरमा बाँकेको नरैनापुर गाउँपालिकाले सार्वजनिक बिदा दिएको छ ।

गाउँपालिकाका अध्यक्ष इस्तियाक अहमद शाहले इस्लाम धर्मावलम्बीको पर्व 'मोहम्मद डे' ले नेपाली राष्ट्रिय एकता र अखण्डतालाई थप मजबुत बनाउने विश्वास व्यक्त गरेका छन् ।

दिवसका अवसरमा शुभकामना सन्देश दिँदै अध्यक्ष शाहले 'मोहम्मद डे'ले सबै समुदायबीच आपसी भाइचारा र सद्भाव अभिवृद्धिमा प्रेरणा प्रदान गर्न सकोस् भन्ने कामना पनि गरेका छन् ।

अध्यक्ष शाहले स्वदेश तथा विदेशमा रहेका सम्पूर्ण इस्लाम धर्मावलम्बी नेपाली दिदीबहिनी तथा दाजुभाईमा हार्दिक मङ्गलमय शुभकामना व्यक्त गरेका हुन् ।

प्रकाशित मिति: बिहीबार, असोज ११, २०८० १०:५०