अभिनेता अनमोल केसी पक्राउ

सुरक्षा-अपराध

गृहपृष्ठ
सुरक्षा-अपराध
अभिनेता अनमोल केसी पक्राउ

अभिनेता अनमोल केसी पक्राउ

शुक्रबार, असोज १२, २०८० बागेश्वरी पोस्ट

काठमाडौं । अभिनेता अनमोल केसीलाई प्रहरीले पक्राउ गरेको छ । आज उपत्यका अपराध अनुसन्धान कार्यालय, काठमाडौंले केसीलाई साँगाबाट पक्राउ गरेको जनाएको छ । अभिनेता केसीविरुद्ध रावायण नामक फिल्ममा भएको विवादलाई लिएर निर्माता समूहले आपराधिक विश्वासघातको कसुरमा किटानी जाहेरी दिएको अपराध अनुसन्धान कार्यालयले जनाएको छ ।

प्रहरीको टोलीले केसीलाई साँगाबाट आज साँझ साढे ५ बजे नियन्त्रणमा लिइएको र थप अनुसन्धानका लागि हिरासतमा लिइएको अपराध अनुसन्धान कार्यालयले जानकारी दिएको छ ।

जाहेरीकर्ताले केसीले रावायण नामक फिल्म खेल्नका लागि १० लाख रुपैयाँ लगेको तर सम्झौता गर्न नमानेको भन्दै उजुरी परेको प्रहरीले बताएको छ ।

निर्माताले अन्य कलाकारलाई पनि एडभान्स दिएको बताइएको छ । यस बारेमा थप अनुसन्धान भइरहेको अपराध अनुसन्धान कार्यालयले जनाएको छ ।

प्रकाशित मिति: शुक्रबार, असोज १२, २०८० १९:३६

प्रतिक्रिया दिनुहोस्