नेपालगञ्जमा भोलि सद्भाव ¥याली निकालिने

स्थानीय

गृहपृष्ठ
स्थानीय
नेपालगञ्जमा भोलि सद्भाव ¥याली निकालिने

नेपालगञ्जमा भोलि सद्भाव ¥याली निकालिने

सोमबार, असोज १५, २०८० बागेश्वरी पोस्ट

नेपालगञ्ज । नेपालगञ्जमा भोलि सद्भाव ¥याली निकालिने भएको छ । नेपालगञ्जमा केही दिन यता बढेको धार्मिक तनावलाई मध्यनजर गरी नेपालगञ्जमा भोलि विहान साढे ७ बजे सद्भाव ¥याली निकालिने भएको हो । जिल्ला प्रशासन कार्यालय बाँकेमा आज प्रमुख जिल्ला अधिकारी बिपिन आचार्यको अध्यक्षतामा बसेको सर्वदलीय सर्वपक्षीय बैठकले सामाजिक सद्भाव र धार्मिक सहिष्णुता कायम राख्न सद्भाव ¥याली आयोजना गर्ने निर्णय गरेको जिल्ला प्रशासन कार्यालय बाँकेका सहायक प्रमुख जिल्ला अधिकारी टोपेन्द्रबहादुुर केसीले जानकारी दिए ।

सद्भाव समितिको सहकार्यमा जिल्ला प्रशासन कार्यालय बाँकेले आयोजना गर्न लागेको सदभाव ¥यालीमा राजनीतिक दल, धर्मगुरु, नागरिक समाज एवम् नागरिकहरुलाई सहभागी हुन अपिल गरिएको छ । नेपालगञ्जको बिपी चौकबाट निस्किने ¥यालीले नगरको परिक्रममा गर्नेछ । नेपालगञ्जमा धार्मिक र सामाजिक सद्भाव कायम राख्न ¥याली आयोजना गर्न लागिएको प्रमुख जिल्ला अधिकारी आचार्यले बताए । नेपालगञ्जमा हिन्दू र मुस्लिम समुदायबिच कुनै किसिमको द्वेष नरहेको सन्देश दिन सद्भाव ¥याली निकालिन लागिएको प्रजिअ आचार्यको भनाई छ ।

सामाजिक सञ्जालमा आफ्नो धर्म र आस्थामा आघात पुग्ने गरी टिप्पणी गरिएको भन्दै नेपालगञ्जमा आइतबार मुस्लिम युवाहरुले प्रदर्शन गरेका थिए । त्यसपछि जिल्ला प्रशासनले उच्छृंखल गतिविधि हुने सम्भावनालाई मध्यनजर गर्दै धार्मिक सद्भाव कायम राख्न अपिल गरेको थियो । मुस्लिमले प्रदर्शन गरेपछि हिन्दु समुदायले पनि भोलि नेपालगञ्जमा प्रदर्शनको तयारी गरेपछि सद्भाव ¥याली निकाल्ने निर्णय गरिएको हो ।

प्रकाशित मिति: सोमबार, असोज १५, २०८० १७:२४