नेपालगञ्जमा लगाइएको कफ्र्यु यथावत

स्थानीय

गृहपृष्ठ
स्थानीय
नेपालगञ्जमा लगाइएको कफ्र्यु यथावत

नेपालगञ्जमा लगाइएको कफ्र्यु यथावत

बुधबार, असोज १७, २०८० बागेश्वरी पोस्ट

नेपालगञ्ज । नेपालगञ्जमा लगाइएको कफ्र्यु यथावत नै रहेको छ । जिल्ला प्रशासन कार्यालय बाँकेले आज मध्यान्ह एक सूचना सूचना जारी गर्दै मंगलबार दिउँसो १ बजेदेखि लगाइएको कफ्र्यु यथावत रहेको जनाएको छ ।

नेपालगञ्जको धार्मिक तथा सामाजिक सद्भावमा खलल पुग्ने गरी सामाजिक सञ्जाल वा अन्य कुनै माध्यममा कुनै पनि किसिमको सञ्चार सामग्री प्रचारप्रसार नगर्न बाँके प्रशासनले आग्रह गरेको छ । सद्भावको सहर नेपालगञ्जको गरिमालाई कायम राख्न आ-आफ्नो तर्फबाट योगदान गर्न आग्रह गरिएको छ ।

नेपालगञ्जमा शान्ति सुब्यवस्था कायम गर्ने क्रममा दुई समूहबीच भएको झडपमा ५ जना सुरक्षाकर्मीसहित २२ जना घाइते भएकोमा २१ जना उपचारपछि घर फर्किएको तथा १ जना सर्वसाधारणको भेरी अस्पतालमा उपचार भइरहेको जनाइएको छ ।

May be an image of ticket stub and text

नेपालगञ्ज आज बिहानदेखि शान्त र सामान्य बन्दै गएको छ । हिन्दु र मुस्लिम समुदायबीच भएको विवादले हिजो दिउँसोदेखि अशान्त रहेको नेपालगञ्ज शान्त र सामान्य बन्दै गएको हो ।

दुई समुदायबीच बढेको तनाबले उग्ररुप लिने अवस्था देखिएपछि कफ्र्यु आदेश जारी गरिएको हो । सामाजिक सञ्जालमा मुस्लिम समुदायलाई लक्षित गरी लेखिएको स्टाटसको विषयलाई लिएर मुस्लिम समुदायले असोज १४ गते गरेको विरोध प्रदर्शनका कारण उत्पन्न परिस्थिति एवम् आज ओमकार परिवार हिन्दु समाजले निकालेको र्यालीका क्रममा विवाद उत्पन्न भई नेपालगञ्ज उपमहानगरपालिका क्षेत्रमा भएको सार्वजनिक सम्पत्ति तोडफोड, ढुंगामुढा प्रहार, उच्छृंखल गतिविधि लगायतका विरोध प्रदर्शन कारण सर्वसाधारणको सुरक्षामा पर्न सक्ने सम्भावित जोखिम एवम् शान्ति भंग हुने स्थिति देखिएकाले कफ्र्यु आदेश जारी गरिएको जिल्ला प्रशासन कार्यालय बाँकेले जनाएको छ ।

प्रकाशित मिति: बुधबार, असोज १७, २०८० १२:०९

प्रतिक्रिया दिनुहोस्