भायानेटले ल्यायो चार विशेष छुटसहित १२५ एमबीपीएस इन्टरनेट सेवा

विज्ञान-प्रबिधि

गृहपृष्ठ
विज्ञान-प्रबिधि
भायानेटले ल्यायो चार विशेष छुटसहित १२५ एमबीपीएस इन्टरनेट सेवा

भायानेटले ल्यायो चार विशेष छुटसहित १२५ एमबीपीएस इन्टरनेट सेवा

बिहीबार, असोज १८, २०८० बागेश्वरी पोस्ट

काठमाडौँ । नेपालको पहिलो फाइबर इन्टरनेट, आइपीटीभी र मल्टिगिग इन्टरनेट सेवा प्रदायक कम्पनी भायानेटले १२५ एमबीपीएसको इन्टरनेट सेवा वार्षिक ८ हजार ४०० रुपैयाँको सुपथ मूल्यमा सार्वजनिक गरेको घोषणा गरेको छ ।

यसका साथै दशैँ र तिहारको पावन अवसरमा भायानेटले आफ्ना ग्राहकहरूलाई अल्टिमा वायरलेस इयरबड्स र हिमस्टारका होम एप्लायन्समा ५० प्रतिशतसम्मको छुट पनि उपलब्ध गराउने भएको छ ।

भायानेटको “चाडमा चौका” चाडपर्व अभियानमा ग्राहकहरूले अब प्रतिवर्ष भ्याट बाहेकको रु. ८ हजार ४०० मा १२५ एमबीपीएस इन्टरनेटको मज्जा लिन सक्ने भायानेटले जनाएको छ ।

बजारमा उपलब्ध यो स्पिडको इन्टरनेटका लागि प्रस्ताव गरिएको सबैभन्दा कम मूल्य हो । यसका साथै भायानेटले यस अभियान अवधिभर २०० एमबीपीएस र ३०० एमबीपीएस प्याकेजका लागि पनि छुट ल्याएको जनाएको छ ।

यस अफरलाई अझ गतिशील बनाउन भायानेटले आफ्ना ग्राहकहरूलाई विशेष छुट उपलब्ध गराउन लोकप्रिय ब्रान्ड अल्टिमा र हिमस्टारसँग साझेदारी गरेको छ ।

वार्षिक इन्टरनेट योजनाहरू छनोट गर्ने भायानेट ग्राहकहरू चार लोकप्रिय इलेक्ट्रोनिक उत्पादनहरूको खरिदमा ५० प्रतिशतसम्म छुटका लागि योग्य हुने पनि जनाएको छ ।

छुट प्राप्त हुने चार वस्तुहरूमा अल्टिमा वायरलेस इयरबड्स, हिमस्टारको स्मार्ट टीभी, रेफ्रिजरेटर र वासिंग मेसिन रहने प्रेस विज्ञप्ति जारी गरी भायानेटले जनाएको छ ।

भायानेटका अनुसार यस सीमित अवधिको अफरमा अल्टिमा वायरलेस इयरबड्सस् भ्याटसहितको मूल्य रू १२२५ सम्ममा, हिमस्टार ४३ इन्च स्मार्ट टीभीस् भ्याटसहितको मूल्य रु. २७,५०० सम्ममा, हिमस्टार ५५ इन्च स्मार्ट टीभी: भ्याटसहितको मूल्य रू. ५४,००० सम्ममा, हिमस्टार रेफ्रिजरेटरस् भ्याटसहितको मूल्य रू. १७,५१० सम्ममा र हिमस्टार वाशिङ मेसिनस् भ्याटसहितको मूल्य रू. ४१,२०० सम्ममा उपलब्ध छ ।

मङ्सिर ९ गतेसम्म मान्य रहने यो अफरले ग्राहकहरूलाई उच्च गतिको इन्टरनेट र भायानेटबाट प्राप्त हुने विशेष छुटको आनन्द लिँदै आफ्नो स्मार्ट घरको स्तरवृद्धि गर्ने उत्कृष्ट अवसर प्रदान गर्ने दाबी समेत भायानेटले गरेको छ ।

प्रकाशित मिति: बिहीबार, असोज १८, २०८० १६:०८

प्रतिक्रिया दिनुहोस्