कोहलपुर नगरपालिकामा पनि कर्मचारीको आन्दोलन

स्थानीय

गृहपृष्ठ
स्थानीय
कोहलपुर नगरपालिकामा पनि कर्मचारीको आन्दोलन

कोहलपुर नगरपालिकामा पनि कर्मचारीको आन्दोलन

शुक्रबार, असोज १९, २०८० बागेश्वरी पोस्ट

नेपालगञ्ज । कोहलपुर नगरपालिकाका कर्मचारीहरुले आज नगरपालिकाका अत्यावश्यक सेवा बाहेक अन्य कामकाज ठप्प पारेका छन् ।

कोहलपुर नगरपालिका अन्तर्गत् १५ वटै वडाहरुमा कार्यरत कर्मचारीहरुले आन्दोलन स्वरुप पेन डाउन गर्दा सेवा प्रभावित भएको हो । कोहलपुर नगरपालिकामा आज विहान १० बजे कर्मचारीहरु जम्मा भएर सरकारलाई दवाव दिन पेन डाउन गरिएको स्थानीय तह कर्मचारी संर्घष समितिका सचिव हरि वलीले बताए । बाँकेका सबै स्थानीय तहहरुमा अत्यावशयक सेवा बाहेकका अन्य सवै सेवा प्रवाह ठप्प पारेर कर्मचारीहरु अनिश्चितकालीन पेन डाउनमा उत्रिएका सचिव वलीको भनाई छ ।

नेपाल सरकार मन्त्रीपरिषदको गत भदौ २१ गते बसेको बैठकबाट संघीय निजामती विधेयक २०८० पारित गरी संसदमा पेश गर्ने निर्णय गरेको थियो । उक्त विधेयकमा स्थानीय कर्मचारीहरुको सेवा सुरक्षा लगायतका विषयहरु अस्पष्ट भएकाले देशभरका स्थानीय तहका कर्मचारी आन्दोलनमा उत्रिएका हुन् । केन्द्रीय आन्दोलनका कार्यक्रम अन्तर्गत् बाँकेका स्थानीय तहका कर्मचारीहरु पनि संघर्षमा उत्रिएका छन् । २० बुँदे माग अघि सारेर कर्मचारीहरु आन्दोलनमा उत्रिएपछि सेवा प्रवाहमा प्रभाव परेको छ ।

प्रकाशित मिति: शुक्रबार, असोज १९, २०८० २१:००