कर्मचारी आन्दोलनले आज पनि काम ठप्प

स्थानीय

गृहपृष्ठ
स्थानीय
कर्मचारी आन्दोलनले आज पनि काम ठप्प

कर्मचारी आन्दोलनले आज पनि काम ठप्प

निजामति सेवाको क्षेत्रमा क्रियाशील राष्ट्रियस्तरका टे«ड युनियनको ऐक्यबद्धता

आइतबार, असोज २१, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिका लगायत बाँकेका स्थानीय तहका कर्मचारीहरुले आज पनि अत्यावश्यक सेवा बाहेक अन्य कामकाज ठप्प पारेका छन् । कर्मचारीले काम रोक्दा सेवा प्रभावित भएको छ ।

नेपालगञ्ज उपमहानगरपालिका अन्तर्गत् २३ वटै वडाहरुमा कार्यरत कर्मचारीहरुले आन्दोलन स्वरुप पेन डाउन गर्दा सेवा प्रभावित भएको हो । नेपालगन्ज उपमहानगरपालिका परिसरमा आज पनि विहान १० बजे कर्मचारीहरु जम्मा भएर सरकारलाई दबाब दिन पेन डाउन गरिएको स्थानीय तह कर्मचारी संघर्ष समितिका अध्यक्ष तेजेन्द्र रोकायले बताए । बाँकेका सबै स्थानीय तहहरुमा अत्यावशयक सेवा बाहेकका अन्य सवै सेवा प्रवाह ठप्प पारेर कर्मचारीहरु अनिश्चितकालीन पेन डाउनमा उत्रिएका छन् ।

No description available.

नेपाल सरकार मन्त्रीपरिषदको गत भदौ २१ गते बसेको बैठकबाट संघीय निजामती विधेयक २०८० पारित गरी संसदमा पेश गर्ने निर्णय गरेको थियो । उक्त विधेयकमा स्थानीय कर्मचारीहरुको सेवा सुरक्षा लगायतका विषयहरु अस्पष्ट भएको भन्दै देशभरका स्थानीय तहका कर्मचारी आन्दोलनमा उत्रिएका हुन् । केन्द्रीय आन्दोलनका कार्यक्रम अन्तर्गत् बाँकेका स्थानीय तहका कर्मचारीहरु पनि संघर्षमा उत्रिएका छन् । शुक्रबारदेखि आन्दोलन थालिएको हो । २० बुँदे माग अघि सारेर कर्मचारीहरु आन्दोलनमा उत्रिएपछि सेवा प्रवाहमा प्रभाव परेको छ ।

No description available. यसैबीच बाँके जिल्लास्थित निजामति सेवाको क्षेत्रमा क्रियाशील राष्ट्रियस्तरका टे«ड युनियनहरुले ऐक्यबद्धता जनाएका छन् । नेपाल निजामति कर्मचारी संगठन बाँकेका अध्यक्ष देवीलाल चौलागाईं, नेपाल निजामति कर्मचारी युनियन अध्यक्ष उद्धबप्रसाद श्रेष्ठ, नेपाल राष्ट्रिय कर्मचारी संगठन (निजामति) बाँके अध्यक्ष हरिचन्द्र पाण्डे र एकीकृत सरकारी कर्मचारी संगठन नेपाल बाँकेका अध्यक्ष रामसिंह ठकुरीले संयुक्त विज्ञप्ती जारी गरेर आन्दोलनप्रति ऐक्यबद्धता जनाएको उल्लेख गरेका छन् ।