नेपालगञ्जमा भीषण आगलागी, ७ पसल जलेर नष्ट

स्थानीय

गृहपृष्ठ
स्थानीय
नेपालगञ्जमा भीषण आगलागी, ७ पसल जलेर नष्ट

नेपालगञ्जमा भीषण आगलागी, ७ पसल जलेर नष्ट

शुक्रबार, असोज २६, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकास्थित वीपीचोकमा आज बिहान भीषण आगलागी हुँदा सात पसलमा क्षति भएको छ ।

विद्युत चुहावट भई आगलागी हुँदा आलिया ट्रेडर्स, शादिया फर्निचर, शरिके फर्निचर लगायतका पसलमा सामान जलेर नष्ट भएको जिल्ला प्रहरी कार्यालय बाँकेले जनाएको छ ।

जिल्ला प्रहरी कार्यालय बाँकेले सामान अधिकांश जलेर नष्ट भएको र क्षतिको विवरण सङ्कलन हुँदै गरेको जनाएको छ।

नेपालगञ्ज उपमहानगरपालिकाको दमकल शाखा प्रमुख झइनबहादुर खडकाले नियन्त्रणमा ल्याउन दुई घण्टा लागेको बताउनभयो ।

आगो निभाउन उपमहानगरपालिकाको तीन र कोहलपुर नगरपालिकाको एउटा दमकल प्रयोग गरिएको थियो ।

प्रकाशित मिति: शुक्रबार, असोज २६, २०८० ०९:२६

प्रतिक्रिया दिनुहोस्