मुगुमा एकै परिवारका चार जनाको हत्या

सुरक्षा-अपराध

गृहपृष्ठ
सुरक्षा-अपराध
मुगुमा एकै परिवारका चार जनाको हत्या

मुगुमा एकै परिवारका चार जनाको हत्या

शुक्रबार, कात्तिक १०, २०८० बागेश्वरी पोस्ट

मुगु । मुगुमा एकै परिवारका ४ जनाको हत्या भएको छ। जिल्लाको छायाँनाथ रारा नगरपालिका वडा नं ६ मन्दु गाउँकी २६ वर्षीया श्रीदेवी बोहोरा र उनका ११ वर्षीय छोरा मनोज बोहोरा १ वर्षीय छोरा रहर बोहोरा र ७ वर्षीया छोरी अप्सरा बोहोराको हत्या भएको जिल्ला प्रहरी कार्यालयका प्रहरी नायव उपरिक्षक वीरेन्द्र थापाले जानकारी गराए ।

शुक्रबार बिहान ११ बजे खबर पाउना साथ घटनास्थलमा विस्तृत विवरण बुझ्न प्रनाउ थापाको नेतृत्वमा प्रहरी पुगेको थियो ।

प्रारम्भिक अनुसन्धान अनुसार मृतक आमा श्रीदेवी बोहोरा छोरा छोरीसहित ७ गते बिहान दशैँको टीका थाप्न सोही वडामा रहेको माइती गाउँ कोटिल्ला गएका थिए ।

८ गते बेलुका घर फर्केका उनीहरुको सोही राति हत्या भएको अनुमान गरिएको छ । ९ गते बिहानै देखि घर बाहिर ताला लगाएको देखिएपछि छिमेकीहरुले बिहानै सिमी टिप्न खेत गरातिर गएका होलान् भन्ने सोचेका रहेछन् ।

१० गते बिहान पनि घरमा ताला लगाएको देखेपछि गाउँलेहरुले फेरि माइती गएकी भनी माइतीमा फोन गर्दा ८ गते नै गएको भनेपछि गाउलेहरुले शुक्रबार बिहान १० बजेतिर ढोकाको ताला तोडी भित्र हेर्दा चारै जनाको हत्या भएको देखेका थिए ।

मृतकमा श्रीमान् वैदेशिक रोजगारीमा रहेका छन् ।

कसले के उद्देश्यले हत्या गर्यो त्यो खुल्न सकेको छैन । सबै क्षेत्रबाट विस्तृत अनुसन्धान गरी हत्यारा पत्ता लगाइ कानूनको कठघरामा उभ्याइ छाड्ने प्रनाउ विरेन्द्र थापाले बताए ।

हत्या गरिएका चारै जनाको शव पोष्ट मार्टमका लागि जिल्ला अस्पताल मुगुमा राखिएको छ । घटनास्थल जिल्ला सदरमुकाम गमगढीबाट ३ घण्टा पैदल दक्षिण पूर्वमा रहेको छ ।

प्रकाशित मिति: शुक्रबार, कात्तिक १०, २०८० १६:१४

प्रतिक्रिया दिनुहोस्