जानकी गाउँपालिकाले भूकम्प प्रभावितलाई दुई लाख दिने

स्थानीय

गृहपृष्ठ
स्थानीय
जानकी गाउँपालिकाले भूकम्प प्रभावितलाई दुई लाख दिने

जानकी गाउँपालिकाले भूकम्प प्रभावितलाई दुई लाख दिने

सोमबार, कात्तिक २०, २०८० बागेश्वरी पोस्ट

जानकी (बाँके) । जानकी गाउँपालिकाले जाजरकोट र रुकुम पश्चिमका भूकम्प पीडितहरुका लागि राहत उपलव्ध गराउने निर्णय गरेको छ । भूकम्पका कारण जाजरकोट र रुकुम पश्चिममा ठूलो धनजनको क्षती भएकोले जानकी गाउँपालिकाले कार्यपालिकाको बैठकबाट पछि अनुमोदन हुने गरी हाललाई दुई लाख दिने निर्णय गरेको हो ।

भूकम्पमा परी ठूलो धनजनको क्षती भएकोमा आफू पनि दु:खी भएको गाउँपालिका अध्यक्ष छब्बन खाँले बताए । जाजरकोट र रुकुम पश्चिमका भूकम्प पीडितहरुका लागि तत्काल २ लाख राहत स्वरुप सहयोग गर्ने निर्णय गरेको अध्यक्ष खाँले बताए ।

कार्तिक १७ गते राती जाजरकोट केन्द्रविन्दु बनाई आएको भूकम्पका कारण जाजरकोट जिल्ला र रुकुम पश्चिममा ठूलो धनजनको क्षती भएकोले उक्त क्षतीमा केही राहत होस् भनेर जानकी गाउँपालिकाबाट पनि हाललाई जाजरकोट र रुकुम पश्चिम दुबै जिल्लाको लागि एक/एक लाख गरी २ लाख रुपैँया गाउँपालिकाले पछि कार्यपालकाको बैठकबाट अनुमोदन हुने गरी जिल्ला विपद व्यवस्थापन कोषमा नगद उपलब्ध गराउने निर्णय भएको गाउँपालिकाका प्रमुख प्रशासकीय अधिकृत दिलबहादुर पौडेलले बताए ।

प्रकाशित मिति: सोमबार, कात्तिक २०, २०८० १६:५८

प्रतिक्रिया दिनुहोस्