टिकटक प्रतिबन्ध विरुद्धको रिटमा आजबाट सर्वोच्चमा सुनुवाई

विज्ञान-प्रबिधि

गृहपृष्ठ
विज्ञान-प्रबिधि
टिकटक प्रतिबन्ध विरुद्धको रिटमा आजबाट सर्वोच्चमा सुनुवाई

टिकटक प्रतिबन्ध विरुद्धको रिटमा आजबाट सर्वोच्चमा सुनुवाई

सोमबार, मंसिर ४, २०८० बागेश्वरी पोस्ट

काठमाडौँ । आज सर्वोच्च अदालतमा सरकारले टिकटकमाथि लगाएको प्रतिबन्धविरूद्ध दायर भएको रिटमा सुनवाई हुँदैछ ।

वरिष्ठ अधिवक्ता दिनेश त्रिपाठी तथा अधिवक्ताहरू स्वागत नेपाल, जगन्नाथ दुलाल लगायतले दिएको रिटमा आजका लागि पेशी तोकिएको थियो । जस अनुसार सो प्रतिबन्ध खुलाउन माग गर्दै दायर रिटमाथि आजबाट सुनवाई हुन लागेको हो ।

हालै सरकारले सामाजिक सञ्जाल टिकटकमाथि प्रतिबन्ध लगाएपछि अदालत खुलेको पहिलो दिन अर्थात् मंसिर १ गते सर्वोच्च अदालतमा १० ओटा रिट निवेदन परेको थियो । उक्त रिट निवेदनमा पहिलो सुनवाई गर्नका लागि आजका लागि पहिलो पेशी तोकिएको अदालतले जानकारी दिएको थियो ।

शनिबार तथा आइतबार छठ पूजाको सार्वजनिक बिदा भएकाले सोमबारलाई पेशी तोकिएको हो ।

सरकारको निर्णय गैरकानूनी एवं गैरसंवैधानिक, वदनियतपूर्ण एवं स्वेच्छाचारी भएको भन्दै वरिष्ठ अधिवक्ता त्रिपाठीलगायतले सो निर्णय बदर गरी टिकटकमा लगाइएको रोक तत्काल फुकाउन रिट निवेदनमा माग गरेका छन् ।

प्रकाशित मिति: सोमबार, मंसिर ४, २०८० ०८:४७

प्रतिक्रिया दिनुहोस्