रुकुम पश्चिममा जिप दुर्घटना, २२ यात्रु घाइते

समाचार

गृहपृष्ठ
समाचार
रुकुम पश्चिममा जिप दुर्घटना, २२ यात्रु घाइते

रुकुम पश्चिममा जिप दुर्घटना, २२ यात्रु घाइते

सोमबार, मंसिर ४, २०८० बागेश्वरी पोस्ट

नेपालगन्ज । रूकुम पश्चिममा जिप दुर्घटना हुँदा २२ जना यात्रु घाइते भएका छन् । आज बिहान चौरजहारीबाट खलङ्गा जाँदै गरेको लु १ ज २२९७ नम्बरको जिप चौरजहारी नगरपालिका-८ गोइरीजिउलास्थित मध्यपहाडी राजमार्गमा दुर्घटना भएको प्रहरीले जानकारी दिएको छ ।

प्रहरीका अनुसार दुर्घटनाग्रस्त जिप सडकबाट करिब २ सय मिटर तल भेरी नदी किनारमा खसेको हो ।

जिपमा सवार भएका २२ जना घाइते मध्ये ७ जनाको अवस्था गम्भीर रहेको प्रहरीले जानकारी दिएको छ । घाइते सबैको उद्दार गरी अस्पताल लगिएको प्रहरीले जानकारी दिएको छ ।

तीब्र गति र क्षमता भन्दा बढी यात्रु रहेका कारण दुर्घटना भएक हुन सक्ने प्रहरीले जानकारी दिएको छ ।

प्रकाशित मिति: सोमबार, मंसिर ४, २०८० ११:४८